HTX Bưởi kanduh hijau Hắc Dịch (phuong Tân Thành, ban raya Ho Chi Minh) hu padang di thun 2022 hu 40 gah urang saong yaok puluh baoh sang pambuak gauk gam taong abih taneh labaih 38 ha pala kruac bung kanduh hijau. Tuk bahrau peih ngak, HTX caik hatai ngak tui jalan karo siam ka sinh hoc, pandar jamariak ngak kong pakat glaong gam saong majam ia tuh pruh ia kakuar otomatik, majam rao, papaok baoh kruac bum dan padang majam yaom karo brei ka baoh kruac bung kanduh hijau.

Sa-ai Voòng Cổng Mềnh, urang HTX brei thau, dahlau diah mada hu pandar jru phun kayau dan saong jru pachreih baoh karaoh phun kayau dalam bruk ngak mbang pala drak. Meng tuk tame HTX, sang drei salih tapa ngak mbang pala meng khak war ro saong khak vi sinh, gam tui di nan daok buh prein padang majam tuh pruh ia otomatik pakurang hu prein yawa manuac ngak jeng ye mek hu yaom kaom glaong brei ka bein kayau.

Ralo HTX kaya kan dalam ia jeng peih cih hu inum kayua hu hatai khin pandar ilamu jamraik pakat glaong tame bruk ngak mbang. Tuk bahrau padang ngak, HTX ngak Nong Quyết Thắng, phường Long Hương sa janih pala njam, ngak padai dan saong raong hidang. Ong Nguyễn Kim Chuyên, Yam ndok HTX ngak Nong Quyết Thắng brei thau, mayah yau dalau diah raong tui meng kan mai ye yaok sa met vuong bahrau hu labaih 30 drei anek hadang, daok urak ini tui ngak kong pakat glaong, drei raong nyu brei tagok labaih 500 con/m2. HTX raong tui pambuak gam gaam yau nan ye hidang brei pablei hu luac thun ka darak pasar.

Dalam tuk nan, HTX Ngak nong pandar ilamo kong nghe glaong Lá Xanh, xa Long Điền hu ba drei nao dahlau ngak jamraik ba tame pala drak padai tapa bruk trun pajaih, jamraik tam padai saong kaya peih par pruh jru pacang khik padai. Bruk ngak jamraik daong patakik pajaih pala, patakik halak haling saong paglaong bruk ngak hu. Kuhria rah tapa yaok jamraik meda hu ngak meng 7-10ha/harei, gak jeng bruk samu gauk dalam bruk ngak mbang saong patakik rilo jien buh tabiak bayar ka urang ngak.

Tui So Ngak nong saong Alam langik Ban raya Ho Chi Minh, dom thun jaik di ini, ralao bruk ngak mbang pataom gauk tập thể dalam bruk ngak nông di ban raya Ho Chi Minh daok mbeik rup cambaic lac dalam bruk ba ilamu ky thuat barau tame ngak mbang daong patagok jien mek tame brei ka urang dalam kapul. Urak ini di dalam ban raya Ho Chi Minh hu 316 HTX ngak nong gam saong labaih 7.200 urang. Ralo HTX daok bui chreih padang bhum ngak ndap nda kaya kan tui tanut asar di nyu, pambuak pagam saong urang ngak nong jeng ye urang ngak mbang blei salih ngak pabak hatai urang blei dak harei dak glaong di darak pasar dalam nagar yeng ye langiu nagar.

Dom janih ndap nda kaya kan yau ye ndap nda that, thu, baoh bum hijau, baoh gara thanh long ralo merah bhong, baoh Garang ralo kanik, njam patam karo, brah VietGAP, timun hajan nyol, bimau linh chi, đông trùng hạ thảo, minyek tinh dầu jeng ye amriak kalu hay hacih … dak harei hu ralo urang blei takre, dak yam khik hu takai brei ka ndap nda kaya kan di kapul nyaom di darak pasar.

Mada mboh lac, bruk salih barau akaok saneng bruk ngak brei ka bruk ngak mbang, bruk pandar ilamu ngak công jeng ye padang majam pambuak bruk daong daong patagok yam mbeik rup khang brei ka bruk ngak mbang di ban raya Hồ Chí Minh. Meng dom hợp tác xã ngak nông, ngak kaya kan dalam ia tui bruk ngak pandar ilamu ngak kông pakat glaong, kinh tế jammaah jeng prein khang praong dalam bruk ngak mbang patagok kinh te bruk ngak nong jaman barau, patagok paralo hu jien tame kadung mikwa bhap bini rahra daong palei ngak nong patagok karo kajap di jaman barau./.