TS. Nguyễn Sĩ Dũng, dahlau Phaok Chu nhiem Jabat Quoc hoi mboh lac, bruk brei tal Ban raya biak praong yau ye ban raya Ho Chi Minh oh kurang manuac urang blaoh lac kurang sa cara the che lagaih brei ka lang yah  manuac urang ngak. Ilamo mek hu meng di ban raya praong yau ye Ban Tokyo, Seoul atau ban Thuong Hai mboh lac njauk hu jalan brei ka hukum ganap lagaih karei. Kayua yau nan ye, Hukum Ban medin karei crih oh lac sa janih ganap sampura brei ka adat hukum bleoh ieu lac brei ka jalan thiet ke bruk the che bahrau, brei dak padang Ban raya Ho Chi Minh dang njauk kakai di nyu brei ka prein patagok dan song pasak pambuak talei dunya.

Dao tui PGS.TS. Trần Hoàng Ngân, Urang vakil Quoc hoi mbang XVI, Ban raya Ho Chi Minh khin hu sa the che karo suai atah, nan ieu lac Hukum Ban medin karei crih. Ban aya Ho Chi Minh caik hatai pataom tame pandar 3 janih praong hu sa di nyu co so chinh tri, yang ka dua brei ka phukum saong brei padang hukum adat hukum ka lagaih. 

"Dahlau si mapei tal kadha bahrau ye dom bruk kadha meng anak njauk brei lang yah hu. Ban raya Ho Chi Minh ngak yau habar patagok hu, duah ngak ba hu dom prein patagok hadei tuk pagam jeng hasa 3 bhum palei. Barau meng blaoh Mintri Chinh tri patabiak biak ralo sarak hu yaom glaong brei ka jalan nao praong di Ban raya njauk ba abih sarak karja jalan mbak nagar tame hukum)

GS. Vũ Minh Khương, Sang bac Sarak karja nagar Lý Quang Diệu, Dai hoc Nagar Singapore taong yaom lac, bruk padang Hukum Ban medin karei crih urak ini hu angan Sejarah piah padang dom yam tagok praong. Ong caong Ban raya Ho Chi Minh mada pambuak dom bhum riya, patagok paglaong prei dalam, patagok co cau kinh te jeng ye pachreih salih barau, pandar AI:

"Dahlak khin caong ban raya Ho Chi Minh daong padang hukum ini ieu lac taong abih dalam nagar jeng ba prein tame, oh lac sa janih taeng di ban raya Ho Chi Minh hu kein lagaih blaoh labik karei pandiak hatai. Nyu njauk brei thau sa bruk thei thei jeng thau nyu lac hatai caong khin di taong abih urang dalam nagar di jaman uak drei barautui akaok mbram Viet Nam jeng sa nagar ngak kong patagok di thun 2045."

TS. Huỳnh Thế Du, Sang bac Sarak pakat karja saong Pasang iek Fulbright langyah brei thau, the che tagok nyu lac njauk min oh ka ganap. Praong abih di nyu lac bruk ngak yau habar blaoh the che phi chinh thuc, mada dang praong di dalam bruk pachreih barau hadah krah:

"Ban raya Ho Chi Minh gam gam song bruk lakau ngak Hukum Ban medin karei crih ini ye kau thau lac ban raya njauk caik hatai brei ka the che phi chinh thuc. Hukum ban medin karei crih ieu lac sa janih khin min Ban raya Ho Chi Minh njauk ngak yau habar hu the che phi chinh thuc piah hu bruk karei piah kadha caong khin di ban raya nao dahlau dang akaok di Ban raya Ho Chi Minh meng kadak hu"

Tui urang pan akaok di Ban raya Ho Chi Minh, Hukum ban medin karei crih  mada ba dom sarak tame hu di abih, ganap prein ba tame hu dom prein yawa manuac urang jien padai taneh riaya piah padang mblang patagok barau. Tui di nan, Ban raya Ho Chi Minh pandon madeit madeit meng co che karei tâp the che truh tapa pasang iek ban medin jaman bahrau, bijak. Ban raya Ho Chi Minh daok ba tabiak ngak dom bruk piah drah padang hu sa blah “aw the che” ganap praong, ganap khang brei ka patagok Ban raya Ho Chi Minh blaoh mblan tabiak dalam nagar./.