Di jalan ngak hacih hijao, Go Global di kaya ngak nong bhum Taneran kraong Cuu Long daok kayua dom startup dam dara hu jalan sahaneng karei: Oh lac pablei kaya ngak nong, dom urang nan daok khan brei ka kadha ilamo saong yaom kaom sinh thai di bhum taneh.

Brei mboh tantu ka kadha “ba gah ngak nong haniem phol nao grauk labik” lac hu sa-ai Phạm Đình Ngãi, urang ngak Yam ndok Kongti TNHH Tra Vinh Farm (Sokfarm). Hadei di 6 thun peih mbang ngui, dom tanjaoh ia bangu li-u mek meng bhum taneh Vinh Long hu patruh riyak tapa Japon, Uc, My saong EU. Piah hu “blah passport” pakat dunya hu dom bruk mbaoh tangin brei angan di My, chau Au saong Japon, Sokfarm hu ruah sa jalan nao oh lac mbuan” Pala drak huu co piah bayar veik bruk samu gauk ka taneh amaik!

 Brei mboh chreih chrai ka jalan sahaneng nan lac bruk pasiam bruk hu rilo phun kayau anek athur cim brim di dom bein phun li-u di Sokfarm. Masa dalam 5 thun, meng bruk palao raong anek hani daliko mata bhong meraih pambuak haong bruk patagok di do, janih thiên địch tự nhiên yau hadam kanyik, bọ iku kiềm… hu daong ngak pasiam labik diuk lagaih, samu he sinh thai, daong dom bein phun li-u di Sokfarm neh klak taong abih janih ia hoa chat.

Kadha dalikan Palei Mướp di Dong Thap lac mbang “salih rup” karei abih di jalan sahaneng ka ngak gheih mekre. Truh tapa bruk sahaneng jhak yau “taik yau xơ mướp” atau tok hu maong yau lac ndap nda vin rah di pathun, pakuang pathak pangin di dom amuk, amaik, min meng Palei Muớp, xơ mướp hu uak drei tagok ngan haong thaik thaot tani tanat, ngak gheih mekre.

Peih mbang ngui di thun 2014, tal ini, danak dak Palei Mướp hu brei tabiak darak pasar 20 janih ndap nda, njauk 100% huu co. Nan oh lac dom kaya pathak pangin, kaya piah menei gei, kaya papaok tangin piah menei… salih ka katak blaoh daok hu gom xơ mướp… pandar ngak décor, ngak uak gheih dalam sang saong hu kaya me-in ka athur raong dalam sang.

Dalam tuk nan, Ecoka (Ban raya Can Tho) hu caik inem naih gheih meng hatai caong takre pamuak bhap bini ngan haong danak dak Khik ramik, pambuak, patagok palei ngak bruk meng tangin ngak gheih mekre bhap bini pagam haong jirah rivang bhap bini. Ngan haong caong khin jeng “top 5” angan je kaya ngak meng tangin hacih hijao, lagaih haong alam langik praong abih di viet Nam, Kongti CP Ecoka daok ngak lagaih 3 bruk: patakik hareik katak, paglaong yaom kaom kaya ngak meng tangin ngah gheih mekre Viet Nam saong brei bruk daok dang mbang ngui karo kajap ka urang kamei di dom palei ngak bruk daok mada kaya kan.

Tal ini, Ecoka hu patagok jak jeng labaih 300 kaya pandar dalam sang, ngak gheih sang danaok, kadung teik… meng kaya hu di labik, yau njam hang, phun talaoh, năng tượng saong bồn bồn – lagaih haong alam langik tasik saong phân hủy sinh hoc.

Ngak lagaih panuac ndom meng bruk ngak, Ecoka hu pambuak ngak labaih 1.000 baoh sang urang ngak nong di palei ngak bruk saong 15 kapul hop tac xa dalam negar, brei lagaih bruk daok dang mbang ngui karo kajap ka urang kamei di palei ngak bruk saong urang ngak bruk metui mejua meng drap ar hu dahlau di bhum palei.

Meng dom ndap nda di bhum taneran, jaik taphia, jalan sahaneng hadah krah di dom startup dam dara bluh jiva jeng ye brei kein lagaih jeng dom yaom kaom bahru ndung bak ilamo. Blah ao bahrau nan oh lac harak ve ba ndap nda, kaya nong bhum taneran kraong Cuu Long tani tanat yam tame majam yaom kaom ndap nda hijao – hacih – sinh thai dalam dunya, blaoh daok lac brei mboh bruk naih gheih ka dom startup Viet dalam jaman kinh te hacih hijao. Sa bal pataih daok mai, ba tangin tame ngak meng dom jalan sahaneng hacih hijao saong caong takre tabiak atah karo kajap./.