Subuh aval page, mboh anak mata bruk ngak mbang biak chreih di mblang hamu ngak dalam sang camin, sang masam lang atah di bhum njam Đơn Dương (huyen Đơn Dương klak), tinh Lam Dong. Njam laih mai, brei ngak chip, papaok tui kaya ndap nda di nyu; bingu brei ba tagok labik pataom ngak.

Lac sa urang ndam gam ralo thun saong bruk ngak nong di bhum palei, ong Khắc Bình, urang bhap bini daok di xa D’ran, tinh Lam Dong brei thau, salih bahrau di bhum ngak njam nao gam saong bruk padang palei ngak nong bahrau. Urang ngak Nong hu pachreih bruk salih bruk ngak mbang, Karja brei jhul pakhang bruk padang bruk ngak nong padang palei ngak nong jeng ye pakhang tin dung, daong jao ilamu khoa hoc ky thuat, pasalih janih phun pala janih anek athur raong. Njam bingu asal glaong, lamo mek ia tasau, raong glang tui ilamu pakat glaong. Ong Khắc Bình brei thau lac:

“Mikva patagok kinh te jeng mboh jeng biak. Kayua thau caik hatai iek glang di karja yau nan ye kinh te hu patagok jang. Yau ye trong nde, njam patam, amriak take … dom janih phun pala njam patam ini ngak tui ilamu pakat glaong. Urak ini hu pala bingu. Raidiuk hu tagok jang dahlau, kan dalau biak rambah”.

Padang palei ngak nong barau di bhum ngak njam Đơn Dương hu 4 xa Đơn Dương, Ka Đô, Quảng Lập dan saong D’ran di tinh Lam Dong, gam saong ngak tui ilamu jak bahrau. Tal thun 2025, njam saong bingu ngak kong pakat glaong tagok 95% taneh pala. Dom xa ini mek hu tanut chuan palei ngak nong bahrau pakat glaong, njauk tanut bahrau. Tui jalan patagok, dom palei urang bangsa takik jeng salih bahrau samar.

Ong K’Bril, Po palei Kambute, xa Đơn Dương brei thau, ralo mikva dalam palei, bon urak ini pala drak padai 1 mbang dalam thun. Hadei di nan mikwa salih pala njam panak harei, gam patakik palai ia, gam patagok bruk ngak. Oh takik baoh sang gam raong palamek lamo gam mek dom janih daok labaih dalam ngak nong ba tame raong glang. Tui ong K’Bril, bruk salih oh lac sa janih di dalam bruk ngak blaoh nyu daok hu tui bruk kadha tui palei:

“Urak ini mikva brei ba pandar jamraik liua piah ngak, buh jien tame brei pruh ia thong minh, ky thuat ngak dak harei dak tagok. Mai meng di nan patagok mbok mata gah sinh ke jeng ye duah jien ndo tame sang, raidiuk dak harei dak tagok karo kajap. Palei Kambute ralo urang daok di baoh sang pakat 4, urang rak ini hu sang 2 pakat, 3 pakat, ralo urang blei oto. Meng di nan, mbok mata di palei salih bahrau hadak hadai yaok harei”.

Meng bhum palei ngak nong Đơn Dương, tinh Lam Dong brei mboh, danak dak padang palei ngak nong bahrau tame mblang bahrau “patagok asal”,  yam tal palei ngak nong bahrau, jak karak, ngak mbang gam saong darak pasar dan song majam yaom kaom. Dom bruk patagok mboh siam brei ka bruk salih bahrau mbaok mata palai ngak nong, patagok raidiuk bhap bini, blaoh daok brei tapak tame bruk patagok raidiuk karo kajap yau ye Ndang dang ngak dang patacei./.