Xa Xuan Thanh hu padang meng bruk pagam xa Suối Cao di huyen Xuân Lộc (klak). Dalam tukvak meng 2020-2025, dom pakat uy Ndang saong karja palei hu pataom dui ba, pato tacei, peih bruk ngak mek hu rilo bruk hu makna brei ka chinh tri, kinh te – xa hoi, quoc phong – an ninh.

Xa hu pataom tame patagok gah ngak nong, dak yam dak hu pandar ilmao kong nghe glaong, gah ngak nong huu co, gah ngak nong payeng; padang bruk ngak nong kieu mau, siam glaong, karo kajap.

Xa Xuan Thanh oh lac hu labik taneh lagaih bo daok hu taneh riya biak praong, biak lagaih piah ka bruk ngak nong, raong glang saong patagok dom bruk ngak kong sit. Rahra dalam xa rilo meng lac diukrai meng bruk ngak nong, abih di nyu nan lac pala phun kong nghiep suai atah thun yau ye: amraik talu, kaosu, phun mbang baoh… Langiu di nan, dom bruk ngak bein, ngak mbang blei salih di baoh sang rahra dak harei dak hu peih praong, daong paglaong jien mek tame saong pasiam raidiuk rahra.

Ong Bùi Sỹ Quyền, Yam ndok Hop tac xa Ngak nong, pablei salih, jitvu Bàu Sình brei thau: xa pala rilo dom janih phun suai atah thun yau ye: kophi, com com, panat… Daok pa-aok ye lac janih phun hu pala rilo di dalam xa. Dalam xa urak ini hu labaih 400ha pala pa-aok, rilo meng lac pala pa-aok Dai Loan pablei tabiak langiu negar. Hop tac xa ba drei nao dahlau bruk ngak ma so bhum pala, pala tui tanut VietGAP. Hop tac xa jeng lac gah padang majam pambuak meng bruk ngak tal pablei, pambuak haong dom gah ngak mbang pablei salih blei abih ndap nda ka urang dalam HTX.

Xuân Thành jeng dui pachreih hu rilo HTX, urang ngak nong pandar ilamo ngak kong tame ngak mbang mek hu yaom kaom kinh te glaong. Thun 2021, xa Xuân Thành bahrau hu 3 baoh sang pala iek dahlau tamun ia tui jalan ngak kong pakat glaong dalam sang halam sang nyol, tal ini peih praong tagok labaih 27ha, hu labaih 100 baoh sang rahra ba drei tame.

Tui amuk Lê Thị Ánh Tuyết, Phaok Yam ndok So Ngak Nong saong Alam langik: Tukvak mai meng anak tal, gah ngak nong brei peih rilo danak dak bac pasram paglaong ilamo ka urang ngak nong dalam bruk ngak mbang, rilo meng lac dalam bruk ngak tui jalan huu co. Dalam nan, pachreih peih praong dom bruk ngak nong ilamo kong nghe glaong kandauk, ngan haong bruk hu mbaok di gah ngak mbang pablei salih, ilamo ky thuat saong blei abih piah ngak mbang hu karo kajap.

Dalam padang palei pala bahrau brei iek, bhum palei patui bruk pataom taong abih gah buh jien tame ka ha tang palei pala yau ye: majam jalan mbak hu buh jien ngak samu gauk tame tal jalan sit dalam palei; rilo jalan nao tabiak mblang hamu hu ngak meng betong. Majam sang bac njauk tanut pakat negar; pasak ilamo, pahat padhih saong bac megru bhap bini xa, puk palei hu buh jien tame praong laneing lanoi.

Tal ini, padang palei pala bahrau di Xuân Thành hu jeng danak dak pakacah di yaok baoh sang dalam labik daok rahra saong dom puk palei haong gauk. Dalam nan, dom asal kadha kan tal ini hu ndak siam yau ye: bruk neh rabha hareik urak ini jeng sa bruk randap bhian dalam baoh sang rahra; labik daok rahra hu Zalo pambuak haong kong an puk palei, dom urang jakar, rahra jeng hu mbaok tame. Langiu di nan, puk palei daok padang dom kapul Zalo di kapul urang kamei, urang praong thun umo, Kapul dam dara… piah pambuak bhap bini, daong patagok hatai anit ranam palei pala, jeng yau patagok bruk ngak di rahra dalam grauk danak dak di palei pala./.