Bruk waih jalan di saai Nguyễn Thế Tùng ieu lac sa jalan kham marat bac magru oh padeih padei. Dom bruk bac magru di saai hu mai meng bac magru ngak nong, mai meng bac magru jeng jru ilamu ngak nông, meng sa urang kỹ sư naik joi ngak bruk di Queen Farm. Saai oh kanda di buh jien ndo piah nao bac saong magru, bac magru tapak tame bruk kurang khat meng bruk ngak mbang di jaman dalau jeng ye thau dui pataong dom ilamu siam makre yaom kaom glaong brei ka rup drei. Saai Tùng brei tahu lac: Akau pilih pala phun durian kayua lac nyu oh mbuon si ngak. Akau kham marat bac magru jeng ye ba abih hatai bac magru nao ralo taneh ia nagar karei brei bac magru urang pala ngak durian yau habar.

CNC ngak kong pakat glaong dalam bruk pala hu saai Tùng hu brei pandar ngak meng ieik glang taneh riya piah dak buh phu durian trun taneh bein pala nyu. CNC ini hu lac daok brei pandar yau gauk meng ilamu pala, meng bruk ieik glang, taong yaom siam, khik ramik taneh bein hamu tui rup binguk điện tử… Saai Tùng brei thau lac: Tui jamariak bingik ndien tek brei angan yaok phun pala, khol akau peih harak brei ka yaok phun pala piah ka urang nyu glang ka camabac tantu, lagaih lagua brei ka phun pala, khol akau dahlak klauk hala dok bhong merah piah brei caik hatai eik glang brei ka tal tuk nyu hu siam.

Urak ini, Queen Farm daok pala jeng ye daok ieik labaih 9,5 ribau phun gam song 3 janih durian kareiyau ye hu: ri6, dona dan song musang king pala di 55ha taneh. CNC daok hu brei pandar ieik glang … Sa taeng janih majam jalan araok win mblang bein atah labaih 75km. Bein hu brei ngak majam danao padang iar yaok pluh hécta, padang iar brei ka bilan thu…

Ndom mayai brei ka bruk ndam gam song bruk ngak nong, saai Tùng khan brei thau lac: “hu 2 taka ngak ka akau gam song ngak nông. Hasa di nyu hu lac amaik akau pilih taneh daok di Bình Phước (trước đây) buh prei yawa jien ndo mai meng uranam brei ka bruk ngak nông. Yang ka dua lac, sang akau hu ralo rairah ngak hamu taneh yau nan ye drei sa urang ngak nong jeng khin daong prein brei ka gah ngak nông”.

Saai Tùng khan lac: Queen Farm tame majam pambuak gam saong hợp tác xã, urang ngak nông di bhum palei tui akaok saneng lac, di dalam ngak nong sa drei oh ngak truh bruk prang khin caong di darak pasar. Urak ini taneh hu kot hu angan dalam nagar brei pala durian piah pablei tabiak langiu nagar daok tukik. Mayah taeng drei ngak siam, biak takik bruk ngak siam ye daok kan si jeng angan kaya ngak nong di Việt Nam blaoh nyu njauk hu brei ka ralo. Khol akau hu jalan ngak kong brei tal urang ngak nong daong paglaong yaom kom bruk ngak mbang. Akau dahlak caong padang hu hệ sinh thái di hợp tác xã hu akaok yau gauk, hatai ngak hacih saat yau gauk. Akau dahlak tuk halei jeng ba abih hatai jai daong kaotin, cara bruk ngak daong ka urang ngak nông brei ngak ka nyu siam jang. Ini lac jeng yau ye tangung jawab hatai rup drei./.