Di mblang atneh praong labaih 40 ha, labik jirah sinh thai Chavi Garden tui sambo ban bhum palei ieu lac sa thaik binguk jirah lagaih brei ka dom baoh sang brei ka anek naih duah mai ma-in di dom harei puac adit jeng ye harei di dom bilan pandiak. Labik jirah daok di xa Thạnh Lợi, tinh Tay Ninh – ieu lac sa labik pala bak phun kruac aik di bhum taneh gah Mraong Nam bo.

Karei di dom labik main maieic ngan saong dom labik ma-in saong labik main jaman bahrau, chreih makre, labik ini ba mai dom sambai chreih chrai tui ia nduac kraoh kraih, sa labik jirah main praong gam saong bhum palei saron mbom gheih ghang. Urang jirah mai main ieik salam harei jeng ye ndih tapa malam di bilik duk, tadai tuan di tapen ribaong kênh hijau la-an mat, ba drei tame langik tasik alam.

Di dom talei phun kruac aik trak baoh kulik kanyik jangaih jeng labik ralo urang chreih gheih ghang ka urang mek binguk. Ralo urang tuai damuai jirah chreih tuk hu tame bein, ba drei tame paik baoh kruac aik. Meng baoh kruac aik thait tait jangaih dalam bein, Chavi Garden brei ngak tabiak 40 janih ndap nda meng kruac aiak yau ye si-rô kruac aik, kruac aik ia hani, akakkruac aik , tapung kruac aik, ia cốt kruac aik...

Lambaok wakil Chavi Garden brei thau, gam saong bruk jien brei sampurna ndap nda, labik jirah daok pataom prein chul khang bruh brei yaih khan jirah tui jalan lek angka piah ka tuai damuac thau tal jeng ye mai rivang jirah ndap nda ngak nong di bhum palei, dalam nan chreih di nyu hu taneh pala phun kruac aik di Tay Ninh, tapa di nan daong brei salih lek taka brei ka gah du lịch jirah dalam tinh.

Ong Trần Anh Minh, Akaok So Ilamo – Pahat padhih saong Jirah rivang tinh Tay Ninh brei thau lac, pasalih lek taka angka daok hu ieu lac sa jalan nao asar di gah ngak jirah Tay Ninh. Bruk dak majam mã QR di dom labik jirah tal, bayar jien oh cang jien mbaok, ngak lek angka du lieu jeng ye brei peih yaih khan di angaok nen tang pasalih lek taka angka số mada peih tabiak labik jirah jak gheih birau.

Di jalan peih ngak Danak dak patagok jirah tukvak meng 2026 - 2030, Tay Ninh daok brei pasalih lek taka angka yau ye sa bruk asar, pasak brei ka bruk iek glang brei papraong jirah rivang. Dom cara janih ngak dalam thun 2026 daok dak yam hu brei ngak, nao tal bruk padang jirah jak barau, jeng ye jiak taphia manuac urang moi truong.

Bruk pandar ilamu khoa hoc - kong nghe jeng ye pasalih bahrau jak dah gam gam peih ngak, daong ngak brei ka jirah kajap karo. So Khoa hoc saong Kong nghe hu jao brei ka dang bruk ngak dom danak dak pandar gah ngak kong brei ka gah ngak jirah, pataom tame bruk padang he sinh thai jirah pasalih lek taka angka, paglaong bruk ma-in ma-eic iek di urang jirah brei ka urang ngak mbang blei salih.

Meng bruk ma-in jirah bein kruac aik kanyik hitam, main ieik tui raidiuk di bhum taneh palei urang ngak nong jeng ye jirah gah yang mabang, ilamu hu angan, Tay Ninh daok dak harei daok peih tabiak dom janih ndap nda karei ndam bak dom ilamu bhum palei; jeng ye brei chul khang bruk brei khan yaih di angaok pasalih lek taka angka, daong ba rup binguk angan jirah Tay Ninh tal jaik jang saong urang jirah di dalam jeng ye langiu nagar./.