Sa-ai Đoàn Hoàng Khang, urang jakar Jabat HĐ Bhap bini-UB Bhap bini Phuong Bình Thạnh (dahlau diah daok di quan Binh Thanh), Ban raya Ho Chi Minh hu mbaok tame tal bac pasram ka AI sa harei. Tukvak yaom lac katut panak, min anak meta sa-ai Khang gam haong dom urang dalam tal bac hu thau ka AI meda pandar hu di dom gah bruk halei dalam bruk karja, thau cih vak kadha pandar, thau bruk ngak tantu cambaih laih khau tin kayua AI ba tabiak…

Hu makna jang, urang bac ngak tantu hu AI lac kaya daong siam lagaih di dom bruk ngak, di dom gah halei saong bruk tuk halei jeng pabak, ngak bahrau ilamo pambuak tal AI. Sa-ai Khang brei thau:

"Yaom lac khau tin AI ba tabiak oh njauk abih 100% min daong dahlak hulin biak rilo ka tukvak masa saong prein buh tabiak blaoh pandar njauk AI tame bruk ngak. Tal bac biak lagaih, meda yaih khan ka dom urang ngak bruk dalam jabat piah peih ngak atau klah rabha ilamo atau ka bruk pandar AI piah gam haong gauk ngak siam bruk ngak, salah blaoh siam dom bruk hu jao pandar."

Oh hu mbaok tame dom tal bac pasram min ong Lê Văn Nhất, daong bruk gah kong nghe khau tin di Jabat HĐ Bhap bini-UB BHap bini phuong Binh Thanh gilac hu biak rilo caong khin meng dom tal pato pasram ini. Tui ong Nhất, dalam Phuong hu 2 urang jakar kong nghe khau tin saong brei langyah abih dom bruk tamuh karei, oh lagaih pambuak tal compute, phan mem bruk karja. Ong caong khin hadei tuk bac pasram, urang jakar meda pandar AI piah langyah dom bruk gleih sit, patrun kateik geik ka dom urang ngak gah kong nghe khau tin.

"Bruk salih taka so njauk brei abih urang ngak. Gah kong nghe khau tin brei pabak hu taong abih hatai caong di dom labik ngak harak gal karja, ngak bruk lagaih, rilo meng lac dom phan mem. Banah khang dom tai khoan di urang pandar. Urak ini lac salih lek taka so ye taong abih dom harak gal jeng njauk brei ngak taka angka so abih. Tapa dom tal ini, bruk ngak hu AI daong bo abih urang jeng thau pandar ye hu daong biak rilo, dom bruk gleih sit urang jakar meda hu ta-eng pasiam tuk nan."

Dom urang gru di Sang bac Dai hoc Khoa hoc Tu nhien, Dai hoc pakat Negar Ban raya Ho Chi Minh dang pato tacei AI ka dom tal pato pasram di xa phuong. Kayua tukvak bac megru katut, nan harak gal hu srap gap tani tanat, rilo meng lac urang ngak mbuan thau.

Tui Thac si Đỗ Trọng Lẽ, tapa dom tal bac pasram ini, bruk gru pato brei thau oh lac sa janih ilamo pandar AI blaoh daok lac hatai jai caong khin tuk pandar nyu. Gam haong di nan, AI patagok gam gam nan ilamo brei hu urang bac ta-eng pabak hadei tuk tabiak tal bac:

"Di tanut urak ini, tal bac pasram tacei ba ka urang jakar ka ilamo ka AI piah pandar hu AI ka dom bruk haong gauk, dom bruk di yaok kapul karei gauk. Lac pandar hu hatai sahaneng pandar AI tame piah langyah bruk yaok harei. Daok piah pandar hu AI glaong jang ye brei cang bruk sa majam pataom AI tame dom bruk dalam bruk ngak piah palagaih luac jalan ngak bruk jang. Gam haong nan, njauk brei thau, ngan haong AI, bac pasram ini tok njauk haong tukvak urak ini."

Urak ini, AI hu lac bruk hu pandar di jaik abih dom gah. Dalam nan, hadei tuk pagam tinh ban, palagaih majam bruk karja, ngak dom bruk karja palei dua pakat, dom bruk ngak saong gah bruk ngak di yaok urang jakar, kong chuc rilo jang saong brei hu ilamo ngak bruk glaong jang. Meng nan, bruk pato pakai piah urang jakar, kong chuc, dalam nan hu pakat xa, Phuong meda pandar AI siam jang ka bruk ngak yaok harei lac bruk biak njauk hu./.