Xã Bình Ninh ieu lac bhum palei ba akaok nao dahlau dalam bruk peih ngak pala phun li-u tui jalan huu co yam tal bruk padang ngak pandap nda kaya li-u khang kajap piah pabak ka bruk pablei tabiak negar langiu. Tui labaih 2.620 ha li-u, dalam nan hu 915 ha hu pabak harak pok brei angan pala huu co daok brei baoh tani tanat. Ngan haong mblang taneh pala li-u tui tanut chuan VietGAP, xã urak ini hu jaik 15 ha hu pok brei angan VietGAP hu 32 sang hu mbaok tame.

Piah ngak tui Sarak di Ndang ủy xã Bình Ninh ka bruk cak rok patagok taneh pala phun li-u tui jalan huu co pabak ka bruk pablei tabiak negar langiu, Ủy ban bhap bini patui pataom prein tame pato tacei ilamo ky thuat ka rahra brei ka bruk pala li-u tui jalan huu co pabak ka bruk pablei tabiak negar langiu piah ba kein lagaih ka rahra dalam xa cak rok patagok gah pala li-u hu khang kajap.

Bhum palei hu peih yaok piluh mbang pasram pato tacei ilamo pala, pato tacei ka dom jalan pala li-u huu co, pandar khak drak saong pruh jru khik caga phun pala dalam angan hu brei adat, cih vak harei pala ngak, oh pandar dom janih jru tavao brei pakauk saong khik tani tanat tukvak masa brei daok karei,...

Ong Phạm Văn Nghệ, urang ngak nong di xã Bình Ninh, pala 1 ha li-u huu co, daok brei baoh tani tanat, chreih chrai bui sambai brei thau lac, hadei di tuk hu pato tacei jalan ngak jeng ye salih tapa pala phun li-u tui jalan huu co, baoh li-u hu rilo saong bingi jang, ia li-u yamen jang dut saong jalan pala meng kan yau dahlau deih.

Pambuak gam haong rahra pala li-u huu co, Hợp tác xã ngak nong Bình Ninh hu jak ba dom urang dalam HTX pala li-u tui jalan pala meng kan salih tapa pala phun li-u tui jalan huu co, ieik tal bruk ngak bhum pala phun li-u ka doanh nghiep ngak tabiak pandap li-u piah pablei tabiak negar langiu, tani tanat jalan pablei tabiak baoh li-u pala tui jalan huu co.

Ong Trần Hoàng Nhật Nam, Bí thư Ndang ủy xã Bình Ninh brei thau, bhum palei hu pachreih urang ngak nong salih jalan ngak mbang, pandar parilo ilamo – ngak nong tui jalan pala phun li u; gam tui di nan, pachreih urang ngak nong salih tapa pala phun li-u tui jalan huu co piah patagok chat lyong gam haong yaom kaom di pandap li-u di mangaok darak pasa.

Tui So ngak nong saong alam langik tasik tỉnh Đồng Tháp, tỉnh meda patui veik peih ngak siam lagaih jalan Dak bruk di tỉnh tukvak masa 2021 - 2030 ngan haong jalan ba tabiak lac ba Đồng Tháp jeng sa dalam dom pasak ngak kaya nong di bhum Taneran kraong Cửu Long.

Langiu di nan, sa di dalam dom jalan ba tabiak hu mboh jeng di Đồng Tháp lac pataom prein tame cak rok patagok bhum ngak pandap khang kajap meng bruk dak danak saong cak rok patagok dom bhum ngak pandap pataom gauk praong tui tanut chuan VietGAP, hữu cơ…, pambuak khang kajap haong dom sang mac ngak pandap. Dalam nan mboh praong di nyu nan hu lac jhul khang bruk pambuak gauk duah jalan pablei tabiak di gah doanh nghiep saong urang ngak nong piah khik tani tanat pandap panda, chat luong glaong ka bruk ngak pandap, gam haong nan lac daong ka urang ngak nong pandar tui jalan ngak hu kein lagaih, peih ngak gam gam piah ka pandap hu pabak tui panuac ieu kakei di darak pasa pablei tabiak langiu negar…

Bruk pachreih ba pandar ilamo kong nghe ba tame ngak hu daong patagok parilo baoh li-u di bhum palei meng 22 tấn sa ha sa thun dahlau deih, urak ini tagok 24 tấn/ha/ sathun di tukvak masa ini. Urak ini, bruk blei baoh li-u piah manyum mboh trun, baoh li-u mek ngak manyek hu tani tanat, baoh li-u mek ia blei manyum hu yaom meng 120.000 đồng - 150.000 đồng piluh dua baoh, baoh li-u blei ngak manyek hu yaom meng 40.000 - 50.000 đồng piluh dua baoh, li-u pala tui jalan huu co hu yaom meng 60.000 đồng piluh dua baoh./.