Harei ini pahadar 79 thun Harei Thuong binh – Liet si(27/7/1947 - 27/7/2026), melam kabroi 26/7, rayo papar binguk pambuak rilo labik ngan haong kadha “ Patuh pasang hadah jalan”, peih ngak di 4 labik dalam nan hu Sang patau pahdar dom Anh hung Liet si xã Thanh Thủy (Tuyên Quang), Rup patau pahadar di Bắc Sơn (Hà Nội), Kubo liet si pakat negar Jalan 9 ( Quảng Trị) saong Bein bingu  Lê Thị Riêng (Ban raya Hồ Chí Minh). Hu mbaok di var papar binguk pambuak rilo labik hu Tong Bi thu, Po negar ong Tô Lâm; Thu tuong Lê Minh Hưng saong Akok QH Trần Thanh Mẫn. Di labik papar binguk  bein bingu Lê Thị Riêng (Ban raya Hồ Chí Minh) labik hu lubang dar dom rajakar, urang lin var klak rup drei  dalam Mbang mesruh metak khang saong dang tagok di Bilan pataih nasak Tra - Mau Than thun p1986, lac dom thaik binguk daok dar miat tal harei ini saong bruk duah gilac veik angan je ka dom urang var klak rup daong ka taneh ia. Danak dak brei mboh veik bruk hadar dhar phol  di dom anh hung liet si ka Taneh ia palei negar, gam pok meyaom dom urang bol lin hadei melam ngak bruk duah pataom saong duah angan ka dom atau talang liet si.

Hadei rilo harei kham merat duah, Kapol urang jakar duah pataom ztalang liet si K72 di Bộ Chỉ huy Quân sự ban Đồng Nai pataom hu 26 atau talang liet si di xa Minh Đức. Njauk caik hatai, gah bol lin chuc nag duah mboh 2 thaik binguk gireik gam haong rilo kaya kan karei, peih tabiak jalan caong duah hu angan di dom urang liet si. Tui duah thau camereip  tapa dom kaya kan  nan, meda la labik daok atau lubang di Ban chi huy. Tuk khamang taong tame catuah, dom urang jakar, urang lin daok ngak bruk, ginum biai plang metai di labik ini.

Tinh An Giang birau padang ngak blaoh Sang mbia pahadar dom AHLS var klak rup brei ka taneh ia di tabung Ceik Núi Voi. Patau pahar hu padang ngak di thun 2012 di tabung ceik Núi Voi, labik ini hu tavak veik bruk var klak rup drei di urang jakar, urang lin Trung doi di Tieu doan 7, Kapol bol lin 61 dalam mbang mesruh matak di mblang mesruh Vĩnh Trung, di Chien dich ABC di gah bol lin negar thun 1970. Ini lac labik hu makna biak praong dalam bruk pathau khan ka katmang, rik tame padahar dom AHLS.

Di xã  An Nhơn Tây (di huyện Củ Chi klak), Ban raya Hồ Chí Minh, gam peih var mbnag huak lisei haong Amaik VNAH. Taneh pathei ban Củ Chi, hu 2.135 Amaik hu Ndang saong Karja pok meyaom alin brei harak Amaik VNAH saong urak ini hu 30 amaik daok diuk. Tui Kapol urang lin dahlau diah xa An Nhơn Tây, dom var mbang huak pahadar rik tame  pakhang bruk pambuak dom rairah dalam bhap bini,  gam daong gauk khik saong patagok bruk ngak katmang  di bhum palei.

Hadei tukvak laik yaom dui atah, dom harei jaik ini baoh manaih di tỉnh Đồng Tháp tagok jaik duah mbang dut saong sa bilan dahlau. Urak ini, baoh manaih pablei hu yaom meng 9.000 – 11.000 dong sa kilo, yaom ini, urang pala manaih laba hu meng 3.000 - 5.000 dong sa kilo kuhria tui baoh praong atau sit. Manaih lac phun pala ba mai rilo kein laba, rik tame  daong ka rilo baoh sang di bhum taneh njom ia mbak piah tani tanat raidiuk saong patagok bruk ngak mbang kinh te.

Hadei sa thun peih bruk cap mek kol diuk online dalam negar, Campuchia taong tayak rilo labik kandauk di kol nyu, ba tabiak kaoh tui hukum saong payua 268 bruk, pambuak tal jaik 2.800 urang dius tabiak tòa. Urak ini, Campuchia jhul pakhang bruk pambuak kajap haong rilo taneh ia: Trung Quốc, Mỹ, Hàn Quốc, Nhật Bản, Australia, Việt Nam, dom taneh ia ASEAN saong dom kapol dunya dalam pagui mek kol duis online.

Labaih 100 trieu urang di grauk labik taneh ia Mỹ daok dalam bhum kakei langik pandiak, tuk pandiak tagok di rilo labik dalam bilan hè thun ini me-om tagok do rilo labik di gah Pei negar tal Trung Tây pandiak tagok glong, thu lagu ralo ba tal pandiak di rilo labik tagok tal 46 do C, tui nan kakei bhap bini takik tabiak gah langiu tuk langik pandiak catang.

Jaik 300 drei ikan ong bok ka-ing pataom mai duah mbang di tathik Nam Phi. Dom taphol ikan ong bok ka-ing ralo drei hu mboh meng thun 2012. Dom urang ilamo khan lac ini bruk siam lagaih mboh taphol ikan ong bok ka-ing daok rilo veik. Yau nan min, dom ikan  ong rilo mbuan ginuh haong kapal gilai. Urang ilamo iew brei peih gilai kapal ladam veik di dom labik hu ikna ong duah mbang./.