Salih takak so dalam gah ndien hu nao jaik tal tuai damuai pandar ndien, lac di bhum atah bayah, bhum tapen negar, bhum urang bangsa takik.

Ong Vũ Minh Tiến, Akaok mbon palei Bu Dăr, xa Quảng Trực, brei thau majam ndien halam njol dom thun jaik ini hu buh jien tame samu gauk, khik kajap pabak ndien tani tanat. Bruk cakak ndien tok rah tabiak tuk pasiam saong jeng hu gah ndien pathau khan dahlau tapa Zalo nan jaik abih dom sang jeng hu srap gap ramik caga daok dang, ngak mbang ka njauk lagaih.

Ndien luc Tay Nguyen, Kongti Ndien luc Lam Dong, Taong kongti Ndien luc Meraong negar, pasang iek majam ndien di 3 xa Quảng Trực, Tuy Đức, Quảng Tân saong banah di xa Đức An. Ini lac labik tapen negar, bhum atah bayah, hu taneh praong, labik ceik can kan kandah, ngak ka bruk pasang iek, pandar mậm ndien gaok rilo kan kandah, rilo meng lac di dâm bilan hajan angin rah tabiak atau rah tabiak bruk kan kandah.

Ong Trần Minh Huy, Akaok Ndien luc Tuy Đức brei thau, salih taka so khang daong brei ka prein Ndien langyah samar drah dom asal kadha ka ilamo ky thuat ndien saong pabak jitvu ndien siam abih meda hu:

"Salih taka so di labik ngak dalam saong di dom mbaok, dom gah pasang iek. Abih di nyu nan lac dalam bruk ilamo ky thuat ye rilo phan mem daong tui iek phụ tải, yaom phụ tải, tuk rah tabiak bruk kan kandah ye pambuak tame majam SCADA hu langyah samar, patakik tukvak brei ngaok yaok bruk. Gah pabeli salih jeng yau nan, rilo app lagaih ka bruk sangka tuai damuai, mikva meda hu ta-eng tui iek phụ tải, jien ndien, tukvak lahik ndien… piah srap gap dalam bruk daok dang, ngak mbang.”.

Jeng meng salih taka so khang catang, Gilang prein Ndien Cư Jút, tinh Lam Dong urak ini pambuak haong urang pandar ndien biak mbuan, thau saong langyah pasiam dom bruk kan kandah ka ndien samar drah. Rahra tuk khin ndom meyai haong gah ndien oh lac nao tapak tal jabat prein ndien, blaoh meda hu ndom meyai di angaok kapul chat Zalo, di angaok bruk pandar nyu saong hu pabak hatai caong samar drah. Ong Lê Văn Lộc, palei Hợp Tân, xa Đắk Wil ndom meyai lac:

"Hu app ndien ini biak lagaih ka rahra. Bayar jien ndien drei oh khin nao halei tao, langik hajan angin blaoh drei tok sa janih daok di sang drei jeng bayar jien hu. Patui nan lac drei tui iek hu tanut ndien pandar, hu hagait karei ye drei hu mboh aval. Blaoh meyah hu padeih pabak ndien hu khan tantu ka harei saong tukvak, drei hu bruk ye drei tahu piah ramik caga.”.

Ong Vũ Thành Nam, Quyen pan Akaok Ndien luc Cư Jút, Kongti Ndien luc Lam Dong, Taong Kongti Dien luc Meraong negar ndom mayai lac, salih taka so patui veik ngak khang catang gam haong taong abih tuai damuai, rilo meng lac mikva di bhum atah bayah ngan haong jalan ngak lac taong abih tuai damuai jeng hu pandar jitvu ndien tapa dom ung dung di gah ndien luc./.