Ieu lac baoh taneh praong dang ka dua di ban raya Can Tho, gam saong labaih 130 km², hadei di pambuak pagam taneh riya, phuong Khánh Hòa trun meng 30 labik khu vực daok 13 labik njauk tui karja brei. Gam tui bruk khik njauk dom taka brei ka taneh jeng ye dom urang, bhum palei jeng daok caik hatai ramik dak dom dam dara jakar hu ilamu dang di bruk ngak di dom labik, dak tuk dak pasiam uranaih dam dara urang jakar di pakat karja palei.

Dang akaok Mban Rahra di Bưng Tum hadei pagam, yaom hu naih gah ilamu cử nhân Hukum, thau jamariak ngak kong jeng ye hu ilamu bruk ngak, sa-ai Phạm Huỳnh Hà tame bruk drah samar chul khang tame pandar jamraik ngak kong lek taka so tame bruk ngak. Dalam nan hu bruk pambuak bruk padang kapul Zalo piah daong brei khau tin, khan brei thau dom bruk kadha pambuak bruk di bhap bini saong karja rahra. Sa-ai Phạm Huỳnh Hà khan brei thau lac:

"Hadei di pagam jabat karja, tui bruk pagam jabat hu mboh kan di drei ieu lac nyu praong jang, njauk caik hatai pan abih bruk kadha di dalam bhum taneh di drei daok ngak. Drei pan druk jak ba mikva tame ngak tui sarak karja di Ndang, hukum nagar, ngak tui pasalih lek taka tal yaok baoh sang."

Yaom mada hu lac taneh ngak bruk di drei praong bruk ngak ralo, min bruk dak brei ka dom dam dara, naih joi hu ilamu mada njauk hatai brei ka bhap bini rahra. Ong Phạm Văn Dũng, urang daok di Bưng Tum, ndom mayai lac:

"Tapa bruk ngak pagam jabat karja mboh dom adei sa-ai daok uranaih dam dara ngak bruk biak chreih, biak sami samar ba abih hatai kham marat. Dom adei saai dam dara hu prein, hu jaik taphia rahra, thau tangik tangi pang mikva rahra bhap bini. Pagap ye urak ini mikva oh ka thau hagait dom adei sa-ai dam dara ba abih hatai jai lang yah cambac tantu bruk ngak tui sarak karja, jalan thuan di Ndang, hukum taneh ia nagar yau habar.

Tui ong Lâm Văn Tám, Phaok Akaok UB Bhap bini phuong Khánh Hòa, ngak tui bruk pagam di karja, bhum palei dak ramik siam makre. Patui di nan daok iek glang pilih ruah dom urang jakar dam dara dang njauk labik njauk bruk dang akaok di Mban Rahra bhap bini bhum palei. Dalam nan njauk ndom mayai hu lac, phuong brei caik hatai ka dom adei saai dam dara ura hu ilamu bruk ngak piah ngak siam bruk drei brei jao di jaman bahrau.

Dah krah gam saong hatai dang njauk bruk di dom adei sa-ai dam dara daong ngak siam ralo bruk kadha di pakat palei. Dom adei sa-ai dam dara oh siam sa janih ngak njauk tui sarak patao tacei di Ndang saong Karja nagar tal bhap bini rahra baloh daok jeng talei pambuak kajap karo di karja saong rahra, daong padang phuong Khánh Hòa dak harei dak siam makrei di jaman bahrau./.