Tui ong Nguyễn Tuấn Anh, Phaok Taong Yam ndok Kapul KN Holdings, dalam bruk maraik gauk dui pachreih buh jien tame dak harei dak rilo, patagok labik ngak kong tui jalan hijao karo, hadah krah oh daok lac palih ruah blaoh jeng caong khin njauk hu. Piah ngak kadha ini, brei salih jalan sahaneng patagok, salih meng ha tang bhian tapa brei kein lagaih he sinh thai ngak kong. Dalam nan, ha tang ilamo ky thuat, nang luong saong salih taka so brei nao haong bruk mek anek menuac ngak pasak.

“Brei pahadah kein lagaih brei sa labik ngak kong ka gah roh duah, salih hadah bahrau dalam nan mek anek menuac ngak pasak. Brei hu dom sang daok pandaok ka urang ngak kong, labik sang daok ka urang ilamo gam haong dom kein lagaih, jitvu ginup piah meda hu duh ka dom urang ngak bruk, meng di nan daong haong danak dak, haong labik ngak kong meng 5 – 20 thun atau suai jang, piah ngak habar dom gah ngak mbang pablei salih FDI tal labik ngak kong saong daok gilac suai atah.”

Tui Mbang Pasang iek dom Labik Ngak kong – Labik kinh te Ban raya Dong Nai, hadei dak ramik Dong Nai hu 52 KCN. Ong Phạm Việt Phương, Phaok Mbang Pasang iek brei thau, UB Bhap bini Ban raya Dong Nai hu ba tabiak Jalan ngak brei mboh jalan salih tapa KCN sinh thai saong gah ngak mbang pablei salih sinh thai. Piah ngak lagaih jalan ngak ini, tui ong Phuong, dom gah ngak mbang pablei salih dalam KCN brei pabak hatai caong dom asal kadha ka bruk ngak hijao saong patagok karo kajap. Kayua nan, po buh jien tame ha tang saong gah ngak mbang pablei salih meteh pakat srap gap ramik dak halau jien padai, dak harei dak peih ngak jalan salih bahrau.

“Dom gah ngak mbang pablei salih meteh pakat dalam Labik ngak kong brei buh jien piah ngak khik kajap dom jien padai salih. Min, kayua daok hu rilo asal kadha pachreih nan hu rilo sarak hu pandar piah gah ngak mbang pablei salih meda tame hu dom phun jien daong salih bruk ini.”

Patui bruk ngak ini, tui Akaok UB Bhap bini Ban raya Dong Nai Nguyễn Văn Út, bhum palei dak harei dak salih bruk cakrok tui gah patagok dom KCN ilamo ngak kong pakat glaong, sinh thai saong bijak hadah krah. Ini hu maong yau lac kein lagaih hu makna piah khik tani tanat tukvak cakrok patagok glaong dalam tukvak anak tal.

Ong Nguyễn Văn Út ndom lac, Dong Nai oh meda patui bruk patagok dom KCN tui jalan rilo gah yau dahlau diah. Salih di nan, dom KCN brei hu kuhria tui jalan sinh thai, hijao, hacih saong pandar ilamo ngak kong bahrau, tapa di nan paglaong asar siam saong prein meraik gauk dalam bruk dui pachreih buh jien tame.

“Dong Nai oh meda khik tani tanat dom KCN rilo gah, rilo bruk. Khol drei brei hu jalan kuhria salih meng KCN meng dahlau mai tapa dom labik ngak kong sinh thai. Dom KCN brei ka hu hijao, hacih, brei hadah krah… hu yau nan ka meng khik tani tanat hu tukvak cakrok di Ban raya Dong Nai. Meyah khol drei khik tani tanat dom KCN meng dahlau mai ye drei thau njauk bruk pambuak patagok di Dong Nai, meyah Dong Nai pambuak cakrok ye lac sa banah halei jeng pambuak tal cakrok patagok di sa taneh ia.”

Dalam mbang meraik gauk bahrau, bhum palei nao dahlau oh lac dui pachreih buh jien tame blaoh daok brei mboh labik dang dalam majam yaom kaom ngak tabiak dalam dunya. Tui Dong Nai, patagok labik ngak kong tui jalan hijao, hadah krah oh lac caong khin patagok karo kajap, blaoh daok lac jalan nao hu kuhria piah khik bruk lac akaok gilac gah ngak kong di bhum Dong Nam Bo dalam anak tal./.