Thun bac bahrau 2026-2027 mai tal gru saih Phân hiệu 1, Sang bac TH-THCS Lộc Thành, xa Lộc Thành mboh biak karei dut tui daom thun bac dahlau kayua hu pakat ban raya buh jien karja daong ngak pasiam sang danaok bac. Dalam nan hu danak dak bilik daok mateh harei, sang ging, sang mbang huak jeng ye dom baoh danaok di sang sang bac Phân hiệu 1 dil samu ba tame njauk harei pakak bac thun bahrau.

Tame harei bac akaok meti, taong abih dom adei tame bac jeng hu lisei huak oh mek jien meng kadung jien di karja. Hadei di mbang huak, dom anek saih padeih padei kreih pandiak tapak di sang bac dalau si tame bac tuk biar harei.

Oh padeih di nan, mada ka oh brei saoh tapuk bac magru tui danak dak thun bac 2028-2029 bahrau, min hu meng jien prein jien daong di rahra bhap bini di langiu, xa Lộc Thành hu brei peih ngak blaoh di thun bac ini.

Bruk daong jien di Gilang pariak karja ban raya, karja xa Lộc Thành ba mai ralo baoh bui samai mai ka anek saih; jeng ye neh rabha kan kandah brei ka urang amaik ame anek saih urang bangsa takik di xa. Nyu jeng daong hu brei ka dom anek saih urang bangsa takik mbuan si padeih bac mateh dhua.

Sa-ai Điểu Thị Trâm (bangsa Chơ-ro, daok di puk Hưng Thủy, xa Lộc Thành) hu 2 anek bac di Phân hiệu 2, Sang bac TH-THCS Lộc Thành chreih sambai brei thau lac: “Thun bac ini, 2 urang anek tame bac amaik ame mboh sanang jang. Oh bayar jien bac, oh daok raok nao mai, oh daok buh jieng brei ka anek mbang huak di sang bac. Biar harei nao bac mai, anek yaih lac huak mbang di sang bac bingi jang di sang, akau dahlak biak bui sambai”.

Hadei di 1 thun ngak tui sarak Pathau khan bruk kuhria hu taka 81, harei 18-7-2025 di Mintri Chinh tri brei ka bruk buh prein padang sang bac ka dom xa tapen nagar, gam saong bruk pan akaok, bruk patacei tati katang di Thuong truc Ban uy, mbaok mata di dom pakat bac magru di mboh salih mbaok mata cih birih.

UB Bhap bini ban raya jeng brei adat ka Danak dak Buh prein tame, patagok taong abih asal siam brei ka pato magru di 8 xa tapen nagar mbiah tal thun 2030, dui iek tal thun 2045. Taong abih jien brei ngak jaik 1,2 ribau tik jien ndong meng gialng jien karja banraya piah daong ka 53 labik pato magru.

Ong Hoàng Mạnh Thường, Bi thu Ndang uy, Akaok HĐ Bhap bini xa Lộc Tấn brei thau lac: Oh mboh meng tuk halei blaoh gah pato magru di dom xa tapen nagar di ban raya, lac mboh salih samar drah ye yau tuk ini. Mboh di dalam nan, barau oh ka hu ralo harei bilan, blaoh xa Lộc Thành peih ngak sang daok gam saong sang bac, daok mateh harei piah bac gam hu sang ging, sang mbang huak jeng ye labik ndih daok, daong ka jaik 2,5 ribau anek saih di 2 baoh sang bac mateh harei hu meng di harei pakak thun bac bahrau.

Daok di xa Tân Tiến, taong abih dom sang bac TH-THCS di bhum taneh xa jeng hu danak dak brei ka sang gam bac gam daok mateh harei. Anek saih bac 2 war /ngày dan saong hu mbang huak jala kreih pandiak, amaik ame anek saih bac oh buh jien.

Gru pato angan Đỗ Đăng Bảo Linh, Phaok Yam ndok So Pato Megru Dong Nai brei thau lac: “Bruk peih ngak danak dak Buh tame, patagok taong abih yaom kom pato magru saong bac di 8 xa tapen nagar mbiah tal thun 2030, jalan yam tal thun 2045 daok ba mai ralo baoh siam makre brei ka bac magru hu mbaok mata barau, bruk pato magru mboh chreih, urang ngak amaik ame uan tabuan sahnang hatai ngak mbang”./.