Bhum taneh tapen nagar di tinh Gia Lai, dom dom urang taha palei, Urang hu angan daok patagok angan jie rup pabhap di drei, daong ba jaman jamariak ngak kong mai jaik saong rah ra bhap bini daok di bhum taneh tapen nagar.

Di palei Brang, xa Ia Púch, angan jie urang hu angan Tín Rơ Mah Chát di taphia baoh telephon jak thông minh jeng biak jaik taphia saong mikva bhap bini. Oh sa janih pandar telephon piah ieu nao mai, ong taha Chat ini daok taeng drei roh duah dom kein raba di lektakasok, cara roh duah di ong angaok intenet jeng ye daong ba urang bhap bini thau pandar bruk ngak kong di dalam rai diuk.

Gam saong bruk di urang praong thun, bruk jaik taphia gah ngak kong oh lac mbuan sanang. Dom bruk ngak ieik yau mbuan yau ye bah QR, duah jalan link, pandar dom gigah di telephon atau payua dom kao tin trực tuyến jeng daok biak barau. Kayua yau nan ye, bruk daong ba pato tacei di urang hu angan jie urang hu bhap bini jie daong ba urang palei thau bruk drah samar. Taha Chát neh rabha khan mayai lac: “Caong khin jak ba mikwa bhap binit ahu pandar jamariak ngak kông, ye dalau di abih drei njauk thau pandar ka. Bian halei drei thau blaoh, drei pato urang meng jie tui, ngak tui”.

Dom thun dalau, tapa intenet rahra, ralo urang bangsa takik daok di xa tapen nagar yau ye di Ia O palua di dom urang chak kanjah yau ye "bruk ngak njuol jien blan glaong " tapa nagar Thái Lan, mintapi biak di nyu nyuk tagok nyuk trun, jien lahik ginuk gam blaoh ba duac gilac mai sang.

Dang anak bruk yau nan, dom urang taha palei, Urang hu angan jie di xa Ia O bhian ndom mayai nao mai saong mikwa bhap bini brei thau dom bruk kadha bleik salih di kon chak kanjah di intenet, dom janih mek angan jie urang ngak mangak, pacuh paluo brei thau dom baoh khao tin urang, payua jien atau ba tame jalan link oh thau gok gih kiang.

Ong taha palei angan Ksor Kõn - Urang hu angan jie palei O, xa Ia O brei thau lac: “Mikwa drei takik tahu pandar jamariak barau yau nan ye mbuan si tui hatai di dom baoh kadha pachot palua di angak intenet. Kayua yau nan ye, drei njauk bhian pahadar mikwa bhap bini drei caik hatai juai pang tui urang oh krein bein, juai brei khaotin di drei, juai payua jien jeng ye juai tut tangin tame tanut jalan link drei oh tahu gok gha di nyu. Hu hagat drei ka oh thau cambac lac tantu ye drei dua tangi urang karja xa, urang jabon lin Bien phong atau urang drei jie hatai dalau si tame bruk”.

Bian halei bruk ngak kong hu mai tal bhap bini rahra tapa dom urang hu angan hu urang jie tui, salih lektasok oh daok karei daok atah bayah blaoh nyu dak harei dak tame dalam raidiuk. Meng di nan, mikwa sanang hatai jang dalam bruk jaik taphia saong khaotin, mayao mayit lektaka sok jeng ye lagaih sanang dalam jaman barau.

Meng bruk daong ba pato tacei urang bhap bini bah QR “Pati harak ndien tu padauk angan” kayua bol lin peih ngak piah payua khao tin, pathau urang bleih salih jeng ye jak ba dakwah mikwa patagok glao akaok ieik caga; dom urang taha palei, Urang hu angan jie daok daong ba bruk ngak kong jeng janih dalam bruk khik caga siam makre karo kajap palei pala bhum taneh tapen nagar.

Saai kumei angan Rơ Mah Gích – urang daok di palei Brang, xa Ia Púch, khan brei tahu lac: “Hu taha palei dan saong bonlin bộ đọi pato tacei, drei thau pandar telephon piah ieik dom khao tin brei ka sarak karja, brei ka bruk ngak mbang blei salih jeng ye dom janih kadha dalam raidiuk. Mikwa palei jeng thau bah QR meng Zalo piah payua khao tin brei tahau bruk kadha di Bol lin Bien phong, karja palei tuk hu bruk”.

Khan brei thau ka bruk pandar công nghệ số, muk Siu H’Ler - Bí thư Đảng ủy xã Ia Púch, jeng brei thau, Urang hu angan jie daok ba rup tame bruk praong dalam bruk ngak tapak brei tahu pandar jamariak ngak kong, bruk ngak sarak gal di gah lek taka sok. Kayua yau nan ye, jamariak ngak kong lektaka sok dak harei dak jaik taphia, daong ka mikwa bhap bini rahra palei tapen nagar sanang hatai jang dalam raidiuk./.