Bruk ngak harak gal tui adat hukum di angak mblang lektaka số daong ka bhap bini rahra panak masa tukwak, patukik kuran hala harak baar jeng ye nao mai. Saai Ngô Hoàng Thúc, di labik Thới Hiệp, phường Ô Môn, Cần Thơ, brei thau lac rup drei mada ngak hu daom janih pambuak tal dịch vụ karja di angaok mblang môi trường số. Tapi min, tui dom urang praong thun jeng ye atau umur taha atau kurang ilamu jamariak công nghệ, bruk pandar oh lac mbuan sanang.

"Jamariak barau dak harei dak daong duh hu siam jang mintapi dut tui uranaih damdara bac magru sanang, daok urang praong urang mumur taha kan si mek hu, nyu daok kan brei ka bruk nan. Caong khin masa mai meng anak ủy ban hu dom sarak ngak kông atau hu dom jalan brei pato tacei cambac lac ka urang taha urang praong thun mek hu ralo jang dịch vụ siam lagaih ini".

Di Pasak duh ka gah harak gal karja phường Vĩnh Châu, Banraya Cần Thơ rup urang bhap bini daok bubap saong harak gal daok hu brei salih meng bruk urang jakar daong di majam jamariak komputer jeng ye di ilektronik điện tử. Urang bhap bini rahra hu brei daong mek lek dak dalau hadei, ieik caga dalau harak gal buh hồ sơ tapak tame jamariak trực tuyến, bayar jien tapak trực tuyến dan saong gai tame angan khoản Dịch vụ karja nagar.

Jamariak barau daok daong pandar brei pakurang ralo bruk daok kateik geik urang jakar jeng ye daong pasiam glaong bruk lang yah brei ka harak gal. Di xã Lai Hòa, ban Cần Thơ, Robot AI hu ba tame bruk ngak di Pasak duh ka gah harak gal karja piah daong rahra ramik ieik harak gal, mek dak dalau hadei, duah thau harak gal hồ sơ jeng ye brei lang baoh kadha di anak mbaok sảnh bruk ngak. Kayua hu yau nan, urang jakar hu masa caga brei ka bruk ngak. Muk Nguyễn Thị Doan, urang jakar di Pasak duh ka gah harak gal karja xã Lai Hòa, urang pan bruk hộ tịch dan saong mbaoh tra karja, brei thau:

"Tuk hu anek robot ini patacei urang bhap bini ngak pakurang hu masa tukwak piah drei daong rahra bhap bini, daong kadrei pataom akaok glao tame bruk ngak, lang yah drah samar jeng ye drah samar bayar harak gal salah blaoh ka bhap bini, daong bruk ngak siam jang. Hu robot daong mada ba kurang hu masa tukwak glaong meng 60 đến 70% bruk piah pataom prein tame bruk ngak salah gah".

Di phường Long Xuyên, tỉnh An Giang, gam saong labaih 10.300 kadai ngak mbang kinh doanh, baoh sang kinh doanh saong urang ngak mbang blei salih gam saong 17 hợp tác xã, 29 tổ hợp tác daok ngak bruk, karja palei jeng hu ba tame bruk ngak tui Hệ sinh thái salih lek taka số dan saong Pabah Cổng thương mại điện tử. Majam Hệ thống di nyu hu padang tui jalan pataom tích hợp, pambuak thông tin di karja, bhap bini dan saong urang ngak mbang blei salih. Muk Đoàn Thị Hương Hà, Chủ tịch UBND phường Long Xuyên, brei thau lac:

"Bruk patabiak mbaok pabah mbang hệ sinh thái pasalih số dan saong Pabah Cổng thương mại điện tử phường Long Xuyên ieu lac sa yam nao dalau praong di jalan padang karja lektaka số, patagok kinh tế số saong xã hội số di bhum palei. Ini jeng ieu lac akaok bruk piah phường Long Xuyên daok patui bruk ngak patagok yaom chất lượng ieik glang, ba bruk dan duh ka bhap bini rahra dak harei dak siam jang."

Gam tui labaih 13 triệu bhap bini rahra dan saong sa bhum taneh kinh tế praong khang brei ka ngak nông, ĐBSCL khik praong kajap brei ka saron mbon kajap an ninh lương thực jeng ye patagok kinh tế dalam nagar. Mintapi, jalan salih lek taka số jeng ieu lac sa jalan nao atah dhua jeng ye samu gauk di hạ tầng, baoh kadha dữ liệu, prein manuac urang dan saong ilamu tangin ngak kỹ năng số. Mintapi habian jamariak ngak kông hu brei peih ngak cambac tui hatai khin caong, di rah ra bhap bini, yaom kom brei ka bruk chuyển đổi số oh daok dalam dom bruk khái niệm angan jie di nyu atau di gah ngak công, blaoh daok hu mboh meng bruk salih cambac lac dalam raidiuk rahra bhap bini. Piah patui di nan adat hukum dak harei dak hu brei ngak lagaih lagua jang, masa ngak bruk jeng hu dui panak patut jeng ye dịch vụ karja jeng dak harei dak jaik taphia rahra bhap bini jang./.