Hukum patagok medin raya Luật peih tabiak jalan ngak tui hukum adat karja ralo janih, daong ka ban raya HCM daong hu ka ralo prein manuac ngak, pakhang bruk ngak tuk hu dom janih kadha daok cuang kandah pakpe dom pakat oh ka hu langyah. Salih brei ka ralo bruk daok tavak dalam tukvak katut, hukum nagar daong ralo brei taeng ngak parilo bruk brei karo dui ka atah dhua. Ban raya khang hatai patabiak dom harak gal ka bruk ngak peih ngak, daong ngak ka dom bruk jao blaoh, salih ka bruk daok cang meng pakat Trung uong nagar.

Ban raya HCM hu jao brei sah quyền di ralo janih bruk, meng bruk manuac urang, danak dak quy hoach tal buh prei manuac jien ndo ngak. Ban raya HCM sa bruk ngak danak dak quy hoach taong abih, salih ka danak dak quy hoach tinh jeng ye quy hoach oh cambaic dahlau, kayua akaok UB Bhap bini Ban raya HCM tut tangin blaoh dahlau hadei di HĐ Bhap bini brei tapa. Muk Nguyễn Thị Hồng Hạnh, Yam ndok So hukum Ban raya HCM, brei thau bruk ba ngak cambaih sah tham quyen jeng ye dang ngak tui hukum nagar njauk brei ka jalan iek bahrau:

"Ini lac hukum parabha sah quyen cambaic laic taong abih brei ka ban raya HCM, njauk ye tui Sarak 09 di Mitri Cih tri ba tabiak. Kayua yau nan ye peih tabiak biak ralo janih kadha bahrau dalam bruk ngak tui sah tham quyen hu brei jao jeng ye bruk dang ngak tui hukum nagar. Ini jeng lac sa bruk biak bahrau, mayah sahneng dan saong cara ngak tui yau dahlau klak ye biak kan si peih ngak."

Tui jalan “gam nduac gam dak dalau hadei”, gam gam saong bruk pagam saong dom pakat Trung uong padang hukum iek,Ban raya HCM daok caga dom baoh kadha bruk ngak jeng ye dom sarak piah peih ngak. Ralo sarak pataom tame bruk iek glang prein yava, karo kajap bruk ngak mbang jeng ye paglaong raidiuk: daong bac si, urang ngak gah y te payeng gauk mai balai y te phuong, xa; daong jien nduac thận nhân tạo, haling tung hatian tui tukvak brei; brei kat the BHYT oh mek jien ka urang bhian alin hadiah darah; daong jien mbang huak ka anek saih... Sa-ai Đoàn Công Phán, sa urang bhap bini, caong khin Hukum patagok medin raya peih, langyah bruk cuang katial radaih lamo, ia dauk jeng ye pasiam dalam raidiuk:

"Gam tui angan Hukum patagok medilraya, rup dahlak caong hukum ini ba tabiak bahrau, daong ka raidiuk bhap bini jeng ye urang ngak mbang blei salih ngak ralo siam jang. Jaik di abih hu harei raya Tet jaik mai, dom urang ngak mbang jhul khang bruk ngak tabiak ndap nda jeng ye ngak hu ralo bruk siam tanuah; daok urang bhap bini ye hu sa raidiuk trei sir mai meng Hukum patagok medin raya nao tame raidiuk."

Dalam dom bilan daok veik di thun ini, Ban raya HCM daok dak bruk nyaom di HĐ Bhap bini piah ba tabiak dom sarak peih ngak hukum. Ban raya HCM brei mboh bruk patabiak sarak ieu lac bruk ngak camareip, praong abih di nyu hu lac bruk brei ngak, pambuak saong bruk ngak hu cambaih di nyu.

Di harei nyaom HĐ Bhap bini meng blaoh, ong Trần Lưu Quang, Uy vien Mentri Chih tri, Bi thu Ban raya HCM, brei tahu njauk mek sah quyen di Quoc hoi jak jeng bruk ngak cambaih, meng co che peih huan prein ngak jeng ye brei ka bruk ngak hu di nyu tagok glaong:

"Urang bhap bini jeng ye urang ngak mbang blei salih oh taong yaom bruk ngak di drei meng dom harak pok khan pathau blaoh njauk meng dom bruk ngak hu biak cambaih: harak gal hu takik ha oh, bruk ngak hu drah ha oh, kan kandah hu brei meyah oh, prein khang hu brei peih blaoh ha oh dan saong Ban raya HCM patagok siam lagaih siam jang ha oh. Nan lac gai dut brei ka bruk ngak jeng ye brei ka gah pan bruk ngak."

Ngak tui Hukum patagok medin raya, Ban raya HCM hu sah tham quyen, dom janih brei ka bruk peih ngak. Dom bruk dak tabiak ieu lac peih paglaong bruk khin sahneng khin ngak, mek co che bahrau jeng bruk ngak cambaih hacih, jhul khang jeng ye paglaong yaom ka raidiuk manuac urang rahra bhap bini.