Dom harei bahrau ngak tui karja dua 2 pakat, kapul dam dara biak bui sambai taduan raok, uan tabuan chreih hatai daong ba rahra bhap bini ngak dom sarak gal; daong ngak harak gal, daong peih tai khoan dan daong VNeID; daong buh harak gal, iek brei dom baoh kadha ngak hu di bambang Jitvu karja tapak truc tuyen; daong rahra bhap bini pandar telephon jak krah piah pandar dom jitvu karja truc tuyen, gam saong dakwah, pambak dom kein lagaih di salih so, pachreih rahra bhap bini pandar dom janih lek taka so dalam bruk lang yah harak gal… Kayua hu yau nan ye, rah ra bhap bini taduon mek hu jitvu karja samar lagaih. Ong Nguyễn Văn Tư, daok di palei Đá Biên mai tal UB Bhap bini xa ngak harak gal karja hu dom urang dam dara di Pasak daong ngak gah harak gal karja xa daong abih hatai brei ka bruk iek glang harak gal, mek angka so dang dahlau hadei.. Ong Tư neh rabha brei thau lac: “Dahlak praong thun blaoh paje, dahlak oh bhian jamariak. Kayua yau nan ye dom dam dara daong mboh biak drah samar.”

Dalam nan, bruk bac magru di Bình dân học vụ số hu brei peih piah ka thei jeng thau pato ilamo taka so bisa di abih ka bha bini, dalam nan hu dom urang oh bhian urang oh thau jeng ye urang taha. Kapul urang dam dara di dom Kapul kong nghe so bhap bini trun mai tal palei, daong ba tacei yaok urang pandar telephon jak, mek angan tai khoan jitvu karja, bayar jien oh cang mek jien mbaok, glang duah khao tin ngak mbang,… Bruk ngak ini jeng mboh salih lek taka so daok hu dut meng prein yava ba jitvu karja tal urang khin caong nyu.

Urak ini urang jakar xa Thạnh Phước ba komputer, kaya ngak taka so harak gal tal yaok baoh sang bhap bini piah daong tacei brei tame angan, taduan harak gal karja dak harei dak mboh bhian di palei puk. Nan ieu lac bruk ngak di Kapul daong di baoh sang kayua Pasak daong harak karja di xa pagam pambuak bruk saong Kapul Damdara ngak. Hadei di mek hu khao tin meng bhap bini brei angan tapa po palei, urang jakar, urang pan bruk di Pasak, Kapul dam dara xa dang dak masa tukvak piah nao tal yaok baoh sang piah daong tacei, daong taduan mek harak gal, ngak taka harak gal jeng ye daong Pasak harak gal tui adat brei.

Ong Phan Vũ Cường Akaok UB Bhap bini xa Thạnh Phước brei thau, bruk ba jamariak ngak kong atau TTHC mai jaik taphia jang rahra bhap bini peih jalan piah ka rahra bhap bini di palei pala jaik taphia jang ilamu barau, jaik taphia darak pasar dan saong jitvu siam lagaih di nyu. Patrun kathaot khao tin tapa bruk ngak sanang lagaih di TTHC daok di xa Thạnh Phước ieu lac sa bruk pandang tapak, ngak tui lek taka so jeng ye pakurang dom janih oh asar hareik harom piah mbuan sahnang jaik taphia khao tin hukum nagar, sarak karja blaoh oh hu hagait pacang cakak ilamu.

Tukvak di anak, xa daok ngak siam dom cara kadha brei daong rahra bhap bini, daong urang daok kan daman dalm bruk pandar jitvu vien thong, Internet, pandar jamariak ngak kong khao tin piah ka rahra taeng drei dang ngak dom bruk kadha dom bruk ngak jaik taphia sarak karja, duah dom halau phun daong bruk ngak jeng ye bac magru ilamu baoh kadha ba tame bruk truh kathaot brei ka khao tin panuac kadha./.