Piah daong ka bruk ngak harak gal jabat hành chính tapak online jaik taphia ka rahra bhap bini brei ka palei pala, dom kapul ngak kong rahra bhap bini di xa U Minh ba tabiak ralo mbang dakvah. Dalam tanut glaong ngak tui tajuk angan Harei Pasalih lek taka so nagar, dom urang dalam kapul kong nghe so daok nao tal baoh sang, tal palei piah daong ba urang pandar VNeID saong Bambang jitvu karja.

Ba abih hatai kham marat, tani tanat di adei saai urang jakar urang kapul dam dara dui jaik taphia urang daok kanda ngak jamariak barau di dom urang taha. Muk Nguyễn Bé Chín, urang daok di palei 17, xa U Minh, brei tahu tuk daok ngak bruk ini di sang:

“Hu dom adei saai anek kamuan dam dara mai pato tacei mboh biak bui samabai. Yau ye harei ini nì, hu urang patao blaoh tacei cambac laih, drai mboh jiak taphia. Tui drei ngak yau habar dom janih kadha brei ka nyu panak jang, ngak brei ka nyu mbuan brei mboh sanang jang”.

Mboh ilamu di mikwa rahra bhap bini drei di bhum palei daok atah bayah daok kurang, yau nan ye dom adei saai dam dara urang jakar oh kanda cuang kandah kan daman harei malam dakvah jak ba nyu yau anek cil gai taih peih akaok brei ka rahra bhap bini. Tapak anak rahra bhap bini harei harei, sa-ai Quách Trung Tính, urang jakar xa U Minh, ndom mayai lac:

“Dalam harei bilan duh bruk ka rahra bhap bini, dalam nan hu brei ka xa U Minh, sa bhum palei di atah bayah, dom dom rahra bhap bini jeng daok oh bhian pandar jamraik ngak kong barau dut du urang di ban baok raya, bruk nan ieu lac mboh di mata. Bhian di nyu gah kong nghe so rahra bhap bini, langiu di bruk di dom urang jakar pan bruk dang daong ka rahra bhap bini, nao tal labik tal sang pato tacei rahra bhap bini thau pandar angan tai khoan di drei. Drei njauk ba abih hatai, ba abih hajai, langiu di bac magru, roh duah ga Sali lek taka sok, jalan nao nyu yau nan, piah daong piah duh brei ka rahra bhap bini siam makre jang."

Kayua hu tahu bom khik hatai jai, bruk ngak pasalih lek taka sok di xa U Minh mek hu ralo baoh chreih tame di rahra bhap bini. Bruk buh harak hagal tapak tame Bambang online tapak jeng daong hu ka rahra bhap bini, daong ka urang ngak mbang blei salih pakurang hu tukwak nao mai oh daok ralo mbang, jien padai buh tabiak jeng tukik jeng ye pakurang hu bruk nao mai tal jabat. Dalam bruk iek glang di karja, majam tapak online daong ka urang pan akaok mbuan sanang di ieik glang bruk lang yah harak gal jeng ye masa dui atah panak breuk ka bruk ngak di nyu, dil sumu padar urang jakar ngak ka njauk bruk njauk.

Ba abih hatai ngak siam bruk ngak salih taka sok daok hu xa U Minh daok brei tapa danak dak “100 harei brei langyah salah blaoh gak gal tavak gak gar brei salih taka sok”. Xa daok iek glang ngak yau habar abih 100% urang jakar, urang ngak bruk lang yah brei ka harak gal tui majam iOffice, ppati online jeng ye meng tut tangin so hu brei. Langiu di nan, karja bhum palei jeng ngak blaoh so hoa 100% baoh kadha brei ka taneh raya, rahra bhap bini jeng ye baoh kadha brei ka urang daong taneh ia nagar. Dalam nan, dom bruk ngak anak mata yau ye “Pasar darak so” saong “Ấp palei số” daok ba mai ralo baoh siam makre.

Meng anak, xa U Minh brei daok mek rahra bhap bini dan saong urang ngak mbang blei salih yau ye asar pasak bruk ngak piah duh piah daong brei ka nyu njauk nyu siam njauk hatai. Karja bhum palei jeng daok pataom prein jhul pakhang bruk ngak harak gal jabat karja pagam saong padang karja ndien tu; ngak siam jalan brei ka “sa baoh bahmbang”, “sa baoh bahmbang pambuak gauk” piah lang yah harak gal jabat brei ka rahra bhap bini. Gam tui di nan, ngak siam dalam bruk ngak online tapak, ngak taka so harak gal jeng ye padang manuac urang jakar urang pan bruk mek bruk tahu bruk jeng ye hatai duh bruk tani tanat./.