T’ngay đâu 12/9, VOV miền Trung bhrợ g’luh tr’lưm mặt hơnh deh 35 c’moo t’ngay bhrợ t’vaih lâng c’lâng xa nay “35 c’moo z’lâh k’đhap đoọng ha dưr”

+ Văl ooy ha nua, VOV miền Trung năc ơy vaih moọt c’moo 1991. Coh 35 c’moo lâng bấc rau k’đhap k’ra ơy lâh, tơợ pazêng t’ngay zr’năh xr’dô, bấc lang ma nưih bhrợ báo coh đâu ơy chroi k’rong c’rơ âng lang đha đhâm c’mor âng đay đoọng bhrợ têng lâng rơơm kiêng xăl t’mêê, clan bhưah rau liêm choom.

+ Đhơ ặt coh da ding ca coong ca noong k’tiếc đăh Tây đhị đhanuôr Cơ Tu ặt ma mông, căh cợ đhị zập g’luh bhuông âng đhanuôr t’bơơn a xiu z’lâh đác biển tân glươi k’rơ nắc tước ooy Hoàng Sa, Trường Sa, VOV miền Trung ta luôn t’bhlầng pa bhrợ đoọng choom dưr vaih năc đhị za nươr âng đhanuôr. Lâng rau k’đươi moon dưr vaih tơợ p’lêê da dưl năc đơơng xa nay “đâh loon- crêê nhâm-ta nih liêm”, zập phóng viên ta luôn ặt bhrợ ghit đhị zập vel  bhươl, lêy miền Trung căh muy năc đhị vel đong đoọng pa bhrợ, nắc đoo đong ặt âng đay.

+ Azi nắc xay moon đoọng ahêê xơợng ooy bh’rợ nâu coh t’ruih t’tun. Nâu kêi đhanuôr lâng pr’zơc năc đh’rưah lâng zi hơnh deh bh’nơơn bh’rợ “35 c’moo grơơ nhọol – 35 c’moo rơơm kiêng” đoọng VOV miền Trung ta luôn hâng hơnh năc P’rá âng đhanuôr, rau rơơm đương âng Miền Trung!