T’ngay đâu t’ngay 2 Tết Giáp Thìn, năc crêê t’ngay 11/2/2024, tr’nơơp đoọng a zi pa căh măt apêê bhrợ t’ruih rơơm kiêng đha nuôr lâng pr’zơc, apêê xơợng t’ruih chăp nhêr muy c’moo t’mêê bhreh k’rơ, pr’đoọng pr’dhooi lâng bhrợ têng zâp râu liêm choom!

# Cha kêêt ra ngooh năc tơơp ta clơ, tr’clá p’răng ngăn năc âi clá ooy bh’bhung Gươl.

Coh bha đưn, pô lơ lang âi chơh bhooc chooh. Truih k’ruung A Vương, pô đh’vai âi c’bhum prang bơr n’đăh toor. N’loong n’cuông ch’măt loom liêm la đhố. Bh’rợ ha rêê ha lai năc âi pa đhêy xang, abhoo ha roo âi bơơn puôh pa gooh t’moot ooy zơng, ma nưih Cơ Tu bhui har cha Tết. Apêê tơợ ch’ngai rach chô, zâp ngai, zâp đong bha bhụ ăt đh’rưah t’ngay Tết. Ahêê công ting lươt t’mooh, tr’đoọng đợ boop p’rá liêm crêê ooy muy c’moo t’mêê âi tươc. Ớ, năc ha pruôt bhui har, ha pruôt têêm ngăn, ha pruôt bâc râu p’rơơm!