Aviết Sĩ lâng Vơnich Oang hơnh deh đhanuôr lâng pr’zơc đương xơợng t’ruih pa xưl p’rá Cơ Tu. T’ruih t’ngay đâu thứ 2 t’ngay 12/2 (crêê t’ngay 3 Tết, c’moo Giáp Thìn 2024) âng Đài P’rá Việt Nam lâng pr’đơc xa nay “Pr’hat x’nưl pa căh loom moọt hân noo ha pruốt”.

Hân noo ha pruốt năc hân noo âng pô chơh, loom chắt lađhố. Nâu cung năc hân noo apêê chr’roonh zr’muông kiêng bơơn chô pa zưm muy đong. Đhị zập vel bhươl âng ma nuyh acoon coh truih da ding Trường Sơn, bêl ha pruốt chô, anhi tr’kiêng ơy tr’đoọng bọop gr’hoọt moon đăh bh’ươr pr’hat, đăh x’nưl khèn, x’nưl aluốt. Lâng chr’năp năc đoo, xa nay t’ruih t’ruih t’ngay đâu vêy pr’đơc “Pr’hat x’nưl pa căh loom moọt hân noo ha pruốt”. Nâu kêi, a hêê năc jưah cha ơh, l’lêy tước zập zr’lụ chr’hoong da ding ca coong coh t’ngay ha pruốt nâu, đoọng chêêc năl c’leh chr’năp văn hóa liêm pr’hay nâu ấ!