Alăng Lợi lâng Aviết Sĩ hơnh deh đha nuôr lâng pr’zơc! Đha nuôr lâng pr’zơc xơợng T’ruih pa xul P’rá Cơ Tu âng Đài P’rá Việt Nam t’ngay 13/2/2024, năc crêê T’ngay 4 Tết Giáp Thìn cơnh lâng pr’đơc “Lươt cha ơh ha pruôt”.

Râu bhui har hơnh ha pruôt xooc dưr vaih coh prang zâp ooy. Xang 3 t’ngay bhui har Tết lâng da dich bha bhươp, ca conh ca căn, ma nưih đong, c’bhuh xoọng, t’ngay 4 Tết, bâc ngai năc tơơp đợ g’luh lươt cha ơh ha pruôt. La lay lâng zâp c’moo, c’moo đâu, apêê đhị cha ơh coh truih da ding Trường Sơn t’đang t’pâh zăng rup t’mooi tươc la lêy moọng crâng ca coong liêm pr’hay, bơơn năl đhr’niêng bh’rợ lâng đh’rưah pâh cha ơh apêê chr’ơh T’ngay Tết âng đha nuôr apêê acoon coh đhị đâu.