Đhị tỉnh Tây Ninh, cr’chăl ha nua, bâc ngai pa bhrợ crêê apêê rơl g’lơc lươt ooy Campuchia lêt xa nay pa bhrợ. Đhr’năng la lua, bâc apêê n’nâu bêl lươt tươc Campuchia zêng crêê ta z’năh, ga ruuh k’tut, vêy cơnh dzợ crêê vay pooh.

Bâc c’moo ha nua, bh’rợ “ Pân il tr’zooi pa dưr tr’mông tr’meh pr’loọng đong” bơơn zâp câp Hội pân đil chr’hoong Nam Giang, tỉnh Quảng Nam xay bhrợ liêm choom, zooi bâc a đhi a moó pa dưr tr’mông tr’meh yêm têêm, z’lâh k’đhap dưr ca van. Cr’liêng xa nay n’nâu vêy coh c’năt t’ruih “ P’rá xa nay âng a đhi a moó”.

C’năt t’ruih “Xay moon ng’cơnh choom bhrợ cha” coh x’ría t’ruih xay truih pr’đhang bh’rợ liêm choom “ P’têêt pa zum pr’loọng công nhân ma nưih Kinh lâng pr’loọng đha nuôr acoon coh vel đong” âng Binh đoàn 15 xay bhrợ. Tơợ bh’rợ n’nâu, bâc pr’loọng đha nuôr acoon coh tỉnh Gia Lai tr’xăl c’năl coh pa dưr tr’mông tr’meh, t’bil ha ul pa xiêr đha rưt.