Cr’noọ đươi internet đoọng học tập, prá xay, pa bhlâng bêl pr’luh cr’ăy Covid-19 dưr vaih tơợ bêl ahay tươc nâu cơy năc bhrợ k’rơ đhr’năng p’niên crêê ta z’năh, bhrợ lất ooy a chăc  azân coh mạng xã hội. Đhalum bêl haanh deh 72 c’moo t’ngay Quốc tế p’niên k’tứi (1/6) lâng C’xêê xay bhrợ tu p’niên k’tứi c’moo đâu, t’ruih pa xul bha ar xrặ: Zư lêy p’niên k’tứi doọ crêê ta z’năh, bhrợ lất ooy a chăc a zân coh môi trường mạng.

C’nặt t’ruih: Ta đhâm c’mor tơợp bhrợ cha, xay truih ooy bh’rợ băn a ọc tăm zooi bâc apêê ta đhâm c’mor Cơ Tu coh chr’hoong da ding k’coong Nam Giang, tỉnh Quảng Nam choom t’bil lơi ha ul đharựt nhâm mâng.

Pr’luh cr’ăy bhih trơơi tơợ bhọt năc muy râu pr’luh cr’ăy trơơi boọ n’leh coh bâc k’tiêc k’ruung, đhr’năng trơơi boo tơợ bh’rợ ăt tr’đăn năc k’rơ bhlâng. Đoọng đơơh loon zâl cha groong pr’luh cr’ăy liêm choom, c’nặt t’ruih: Manuyh pa dưah đh’reh cr’ăy coh bhươl cr’noon năc xay truih tươc ooy đhanuôr lâng pr’zơ muy bơr cơnh đhr’năng n’leh vaih âng pr’luh cr’ăy lâng bh’rợ zâl cha groong pr’luh cr’ăy bhih n’nâu liêm choom.