Đợ acoon boo ha pruôt âi z’lâh đơc đoọng apêê tr’clá p’răng rơơc xay moon hân noo ch’noọng tươc. Hân noo ch’noọng căh muy p’têêt lâng pr’dưr pr’dzoọng học trò, âng apêê  g’luh boo prưah, âng apêê ch’roonh zr’muông liêm pr’hay n’đhang zooi ha hêê vaih đợ râu liêm pr’hay âng lang. Nâu đoo công năc râu pr’đợơ đoọng apêê nhạc sĩ bhrợ t’vaih pr’hat.

L’lăm bêl tươc lâng pr’hat xa nul Chủ nhật cơnh lâng pr’đơc “ Moot ch’noọng”, đha nuôr lâng pr’zơc tươc lâng c’năt t’ruih xa nay tin chr’năp coh tuần đh’rưah lâng đợ xa nay thể thao liêm pr’hay coh k’tiêc lâng bha lang k’tiêc coh tuần.

Ha dợ nâu câi, năc pa xul radio lâng đương xơợng t’ruih pa xul p’rá Cơ Tu âng Đài P’rá Việt Nam, đoọng xơợng đợ xa nay chrnăp coh tuân lâng xơợng đợ pr’hat pr’hay moot t’ngay chủ nhật x’ría tuần.