Hơnh deh 91 c’moo t’ngay truyền thống ngành pa too moon đhanuôr âng Đảng (15/10), t’ruih vêy bha ar xrặ “Bh’nơơn tợơ “đhr’năng choom xay moon đha nuôr” coh ta bil ha ul pa xiêr đha rựt đhị zr’lụ đhanuôr acoon coh Quảng Nam.

X’ría t’ruih năc c’năt t’ruih “ xơợng p’rá xa nay coh Gươl” xay truih ooy tr’ngâl zư vêl, muy c’leh văn hóa âng đha nuôr Cơ-Tu coh da ding ca coong tỉnh Quảng Nam.

Chr’hoong da ding ca coong Nam Trà My, tỉnh Quảng Nam pa zay choh crâng, chroi k’rong pa dưr gâm âng crâng lâng pa dưr pr’ặt tr’mông âng đhanuôr.

Bấc cr’nọo bh’rợ bh’nậ đớc đác đhị tỉnh Quảng Bình hư ngân, đhr’năng căh tệêm ngăn coh hân noo boo đhí tuh bhlong

Tỉnh Quảng Nam đương hơnh deh đhanôr tơợ thành phố Hồ Chí Minh lâng apêê tỉnh n’đăh Nam chô ooy vel đong đong, muy c’lâng bh’rợ chr’năp liêm pa bhlâng, năc vêy đhanuôr mr’cơnh cr’noọ xa nay, xã hội xay moon dal.

Đha lum hơnh deh 67 c’moo t’ngay giải phóng Thủ đô (10/10/1954-10/10/2021), c’năt t’ruih pr’hat xa nul chủ nhật, azi xay truih ooy muy bơr pr’hat tr’haanh, vêy bâc ngai kiêng ooy hân noo c’loot Hà Nội.

Đha nuôr acoon coh ặt đhị da ding ca coong vêy j’niêng bhrợ ha rêê ặt coh crâng đanh t’ngay. Mọot hân noo boo, bh’rợ ặt coh crâng ha rêê đanh t’ngay bhrợ cr’pân bấc rau cơnh lâng đhr’năng boo ngân tuh clan lâng hr’lang da ding. Tu bhiệc k’zệt cha nắc đhanuôr ặt đhị chr’hoong da ding ca coong Nam Đông, tỉnh Thừa Thiên Huế căh cợ nắc 21 cha nắc đhị chr’hông Minh Hóa, tỉnh Quảng Bình ta k’đoong coh crâng bêl dưr vaih đhí amuốt số 5, số 6 t’mêê đâu nắc ơy moon oa rớơt pazêng tu bhiệc choom dưr vaih.

Moot hân noo boo đhí, tuh bhlong, hr’lang k’tiêc ta luôn năc râu k’rang k’pân âng đha nuôr da ding ca coong apêê tỉnh miền Trung. Xooc đâu, apêê vel đong n’jưah đương ra văng cha groong boo đhí, tuh bhlong, n’jưah zêl lâng cha groong pr’luh Covid-19. PV Đài P’rá Việt Nam xay truih đhr’năng la lua n’nâu đhị tỉnh Quảng Ngãi.

Nâu cơy năc pazêng xa nay chr’năp vêy coh t’ruih. Xang xa nay tin tưc, đhanuôr lâng pr’zơc đương xơợng bha ar xrặ: Đảng viên l’lăm xay bhrợ, đhanuôr đh’rưah z’lâh pr’luh cr’ăy. Nâu đoo năc bha ar xrặ x’rịa coh pazêng bha ar xặ: Đà Nẵng ta béch g’lăng coh bh’rợ zâl cha groong pr’luh cr’ăy Covid-19, năc PV Đài P’rá Việt Nam đhị miền Trung bhrợ têng.

Coh g’luh pr’luh g’luh 4 n’nâu, Đà Nẵng âi vêy bâc kinh nghiệm, bhriêl g’lăng bêl xơợng bhrợ đợ c’lâng bh’rợ zêl pr’luh pa bhlâng rợợng, liêm ghit lâng crêê cr’chăl. “ Đà Nẵng k’đâp đơơh, k’đâp cach, k’đâp nhâm đoọng cha groong Covid-19” năc pr’đơơc bha ar xră tr’nơơp coh c’bhuh bha ar xră “ Đà Nẵng bhriêl g’lăng coh zêl lâng cha groong pr’luh Covid-19” âng zi kiêng xay truih tươc đha nuôr lâng pr’zơc coh t’ruih n’nâu.