Coh pazêng c’moo đăn đâu, pr’dưr pr’dzoong âng bhươl cr’noon, da ding k’coong tỉnh Quảng Nam ting t’ngay liêm pr’hay lâh mơ. Pr’ắt tr’mông âng đhanuôr ting t’ngay vêy ta pa liêm, pa dưr dal, đhanuôr acoon coh đhị dâu ting t’ngay vêy cr’noọ bh’rợ liêm choom zâl t’bil đợ j’niêng cr’bưn căh liêm. Hân đhơ cơnh đêêc, hân đhơ t’bhlâng k’rơ lâh mơ âng chính quyền lâng hội, đoàn thể, đhr’năng p’niên đơơh pay k’diic k’điêl coh zr’lụ đhanuôr acoon coh đhị tỉnh Quảng Nam năc dzợ dưr vaih k’rơ, đớc lơi bấc râu căh liêm crêê ha pr’loọng đong lâng xã hội.