Coh bâc c’moo zêl pruh a râp Mỹ zr’năh xr’dô, apêê g’luh bhuông Căh vêy số đơơng âng xa nâp, pa nănh cha răh, z’nươu tr’hâu lâng n’đhơ năc loom luônh âng vel đong miền Bắc zooi đoọng ha tiền tuyến miền Nam. Zâp g’luh dưr lươt năc muy g’luh zêl bhrợ bhrơợng a cọ lâng a râp, lâng plêêng k’tiêc, lâng zâp râu zr’năh k’đhap. Dưr lươt năc xay moon ghit năc hy sinh. Hơnh deh 60 c’moo t’ngay bhrợ c’lâng Hồ Chí Minh coh biển, đha nuôr lâng pr’zơc đh’rưah tr’lum lâng apêê nhân chứng lịch sử đoọng xơợng truih cớ đợ bh’rợ lươt grơơ nhool bhrợ t’vaih bh’rợ ga măc chr’năp c’lâng Hồ Chí Minh coh biển đhị bâc c’moo zêl a râp Mỹ, trông dâc k’tiêc.

Ch’na đh’năh đhị ặt ma mông… nắc đoo muy coh 4 c’lâng xa nay chr’năp coh zêl, cha groong rau căh liêm pleng k’tiếc, boo tuh. Cơnh lâng vel đong 6 chr’hoong da ding ca coong âng tỉnh Quảng Nam, đhị ta luôn dưr vaih đhr’năng tr’pác, ga ving zêng, tr’pác tr’clăh, c’lâng bh’rợ nâu nắc bơơn vel đong đươi dua zăng liêm choom. Đh’rưah lâng cha neh nhà nước zooi, apêê tiểu thương lâng đhanuôr cung ơy pa ghit k’rong đớc ch’na đh’năh. Đươi cơnh đêêc, bêl pleng boo tuh tr’pác đanh t’ngay, đhanuôr coh đâu buôn ha ul cha.