Chr’hoong da ding k’coong Đông Giang, tỉnh Quảng Nam, k’tiêc k’bunh bâc bhlâng năc da ding k’coong, k’ruung, tọm đác năc bâc, đhanuôr bâc bhlâng ăt mamông coh aral dading k’coong, tu cơnh đêêc đoo bêl tươc hân noo đhí boo, tuh bhlong buôn vaih hr’lang hr’câh da ding k’coong, tuh pr’hơợc bhrợ nong lịt, bhrợ t’vaih tr’pac tr’clăh đanh đươnh. Đoọng đơơh loon zâl cha groong lâng đhr’năng căh liêm crêê âng pleng k’tiêc, năc tơợ tr’nơơp c’moo đâu, chr’hoong Đông Giang ơy bhrợ têng bh’rợ zâl cha groong tuh bhlong, xay bhrợ tươc ooy pazêng bhươl cr’noon lâng xay moon tươc ooy pazêng đhanuôr.