Tước nâu cơy, thành phố Đà Nẵng ơy lâh muy pâng c’xêê xay bhrợ pa tuông xã hội. Năc mơ đêêc t’ngay, k’dâng 15 tước 16 r’bhâu manuyh pa bhrợ k’đoong coh zr’lụ vaih pr’luh cr’ăy. Apêê đoo blo tơợ bâc tỉnh, thành coh zr’lụ miền Trung bhrợ bâc râu bh’rợ tr’nêng, ăt mamông coh pazêng đong trọ căh liêm, xiên. Đợ manuyh n’nâu năc bhrợ zr’năh k’đhap ha bh’rợ zup zooi, zâl cha groong pr’luh cr’ăy. Thành phố xoọc t’bhlâng zâl pr’luh cr’ăy tu cơnh đêêc bh’rợ zup zooi apêê n’nâu năc dzợ bâc râu zr’năh k’đhap.