Xa nay bh’rợ k’tiếc k’ruung bhrợ pa dưr vel bhươl t’mêê nắc ơy âng đơơng c’rơ tr’mung t’mêê đoọng ha zr’lụ vel bhươl cóh zâp zr’lụ k’tiếc, zúp đoọng zâp vel đông tr’xăl pr’ắt tr’mung liêm choom, đhanuôr cung pa dưr liêm lấh mơ. Hân đhơ cơnh đêếc, lâng zr’lụ da ding k’coong zr’nắh k’đhạp nắc đợ râu tr’xăl nâu cắh đấh, bhiệc bhrợ pa đăn bhlưa k’coong ch’ngai lâng cóh đồng bằng nắc đoo bhiệc zr’nắh bhlâng.

Bhrợ têng c’bhuh chr’năp a din năc cơnh bhrợ liêm la lua, năc pa dưr bh’rợ t’taanh ty đanh âng đha nuôr apêê acoon coh coh tỉnh Quảng Nam lâng Thừa Thiên Huế. Ha dang cơnh l’lăm a hay, bh’rợ t’taanh âng đha nuôr bâc năc muy coh apêê vel bhươl năc nâu câi, bh’nơơn âng apêê đoo bơơn p’têệt lâng thị trường coh cr’loọng k’tiêc lâng k’tiêc k’ruung n’lơơng. Bâc ngai âi rạch chô cớ lâng bh’rợ, p’zay bhrợ cha đoọng z’lâh đha rựt.