Đhị chr’hoong da ding ca coong Nam Đông, tỉnh Thừa Thiên Huế, k’hir plóh a ham ơy n’léh lấh muy c’xêê hay lâng xoọc ặt đhị đhr’năng trơơi boọ đấh bấc ooy. Rau k’rang bhlầng nắc pr’lúh k’hir plóh a ham đhị bơr pêê zr’lụ đhanuôr ặt, tu cơnh đếêc bh’rợ zêl lơi pr’lúh, pa dứah apêê crêê pr’lúh ting k’đháp k’ra lấh mơ lâng pazêng c’moo lalăm. Lâng đhr’năng nâu, ngành Y tế chr’hoong ơy k’rong apêê pr’đươi pr’dua, ma nuýh bhrợ têng, đấh loon pa dứah ma nuýh crêê pr’lúh. UBND chr’hoong Nam Đông cung ơy k’đươi moon đoọng pa dưr dal c’năl ma nuýh đha nuôr cóh bh’rợ zêl pr’lúh nâu.