Mờr 100 nă cau was plung tus bal tàm pơrlòng was plung chi tàm tơnau dà geh is dờng ngan rlau jơh Tây Nguyên
Thứ năm, 14:30, 13/03/2025
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Drim ngai 12/03, tàm tơnau Lăk, ƀòn drà dềt Liên Sơn, kơnhoàl Lăk, càr Dăk Lăk dê geh lơh Chờ tàm pơrlòng was plung chi kơnhoàl Lăk dơ̆ 4 nam 2025.
Broă lơh gơ ơm tàm ală broă lơh bơh Lơh chờ Kơphê dơ̆ 09 chờ hờp wă rò 50 nam tơngklàs Buôn Ma Thuột mờ 120 nam tơnggơs càr Dăk Lăk. Chờ tàm pơrlòng bơtòm tơrgùm geh mờr 100 nă cau chaì was plung, gơ wèt 16 mpồl tàm pơrlòng, bơh ƀòn drà dềt Liên Sơn, ală xãh: Dăk Liêng, Bông Krang, Yang Tao, kơnhoàl Lăk dê mờ Kông ty Lòt nhơl Lăk Tedcam. Ală cau chài was plung tàm pơrlòng bơta jak tàm ală tơngume plung chi 2, 3 mờ 4 nă cau. Lồi dŭt, mpồl tàm pơrlòng sồ 10 ƀòn drà dềt Liên Sơn neh jak ngan tàm jơh bal 3 tơngume.
Dơ̆ tàm pơrlòng plung chi là bơhiàn niam chài ờs mờng bơh jŏ rài bơh làng bol kòn cau M’Nông dê mờ bàr pe jơi bơtiàn ndai dê mờng lơh broă tras kŭp ka tàm dà dờng Krông Ana mờ tơnau Lăk gơ wèt ù tiah kơnhoàl Lăk dê.
Viết bình luận