A rôh tơpui tơno, pôa Woo Won-sik tối nhên Kuô̆k hô̆i Hàn Quốc kô tơrŭm cheăng krá tơniăn rơtế ƀă Kuô̆k hô̆i Việt Nam tŏng gum Chin phuh péa tơnêi têa tung tơdroăng pêi pro tơƀrê ƀă ai pơxúa Tơdroăng tơbleăng tơrŭm cheăng nếo ƀă mơdêk tơrŭm cheăng ‘na gâk kring cheăng kâ, tơdjêp liăn ngân.

Péa pâ mơnhên tối tơrŭm cheăng Việt Nam - Hàn Quốc hiăng mơnhông rĕng, ai pơxúa tung hên kơvâ cheăng ing rôh ki péa pâ mơdêk tơrŭm cheăng chiâng kong têa tơrŭm cheăng tung la ngiâ tŭm têk, ƀă mâu tơdroăng ki tơƀrê ‘na tê mơdró, ‘no liăn, trâm mâ kuăn pơlê; môi tuăn kal mơdêk rơdêi tâ nếo tơrŭm pơla Kuô̆k hô̆i péa tơnêi têa tung la ngiâ.

Pôa Phạm Minh Chính, Ngế pro xiâm hnê ngăn Chin phuh pơkâ thế Kuô̆k hô̆i péa tơnêi têa tơrŭm krá tơniăn tơbleăng tơƀrê mâu troăng hơlâ tơrŭm cheăng pơla péa pâ ƀă hên kơvâ cheăng; môi tuăn ƀă tơbleăng mâu troăng hơlâ tŏng kum mâu khu mơdró kâ Việt Nam veăng trâu hngế tâ tung tơdroăng tê tơmeăm tung lâp plâi tơnêi dêi khu mơdró kâ Hàn Quốc.