Pôa Phạm Minh Chính, Ngế pro xiâm hnê ngăn tơnêi têa hiăng tối ăm pôa Yoon Suk-yeol, kăn xiâm pơkuâ kong têa Hàn Quốc ‘na mâu tơdroăng ki tơrŭm cheăng ki kal ki péa pâ hiăng pro pro châ tơƀrê tung rôh hôp pơla Ngế pro xiâm hnê ngăn kong têa. Pôa Phạm Minh Chính, Ngế pro xiâm hnê ngăn tơnêi têa xuân pơkâ thế péa pâ pơtối rak vế ƀă thăm mơdêk po mâu tơdroăng cheăng pơtroh mâu khu râ kăn xiâm ƀă mâu rêm râ; pơtối pêi pro đi đo mâu troăng hơlâ tơrŭm cheăng dế ai nôkố tung kơvâ tơpui kâ, tơdroăng cheăng lêng ƀă gâk kring, tro ƀă kơlo tơrŭm cheăng tung la ngiâ tŭm têk.

Péa ngế kăn xiâm pơkuâ hiăng môi tuăn tơrŭm krá ăm tơrŭm cheăng kâ mot trâu hơngế, tơƀrê ai pơxúa, ing mê veăng kum pêi pro klêi mâu tơdroăng pơkâ kơxô̆ liăn châ xo ing tê mơdró pơla péa pâ châ 100 rơtal dollars a hơnăm 2025 ƀă tơmiât tro pơkâ pêi châ 150 rơtal dollars a hơnăm 2030.