Tơbleăng a hneăng hôp, pôa Phạm Minh Chính, Ngế pro xiâm hnê ngăn Tơnêi rơrêk tung hiâm mơno hlo tơdroăng pâ nhoăm dêi rơpó, túa tơpui tơno mơhno ki nhoăm, kum dêi rơpó pơla kuăn pơla kuăn pơlê péa tơnêi têa, hlối tối tơrŭm pơla Việt Nam - Hàn Quốc hâi hlo la lâi lĕm môi tiah nôkố.

‘Na tơrŭm pêi cheăng, Ngế pro xiâm hnê ngăn Tơnêi ăm ‘nâi, kơ’nâi 30 hơnăm tơrŭm tơrôa, ai drêng pá puât pơloăng mơnúa ƀă tơƀrê, la ăm hlo ki ai mâ mơngế pêi cheăng dêi Việt Nam a Hàn Quốc cho kal khât, mơngế pêi cheăng Việt Nam vâ môi tuăn drêng pêi cheăng a Hàn Quốc.

Pôa Phạm Minh Chính, Ngế pro xiâm hnê ngăn Tơnêi loi khât, ƀă tơdroăng kơdôu mơ-eăm dêi pá pâ, ing tơdroăng Tơrŭm cheăng tung tŭm tơdroăng pơla Việt Nam - Hàn Quốc, tơrŭm cheăng kâ, pêi cheăng kô pơtối cho xiâm ki kal tung tơdroăng tơrŭm cheăng pơla péa pâ, pakĭng mê, cho tơdroăng mơ-eăm vâ tơdroăng tơrŭm cheăng pơla péa pâ rế tâk tâ nếo ƀă tơdroăng hơniâp lĕm tơdjuôm.