VOV4.Bahnar - Hloi hloh 1 khei kơ au, kon pơlei lơ̆m teh đak pơma atŭm păng rim pơlei pơla Tây Nguyên pơma hơdrô̆ oei tăr văr găh tơdrong mĭnh khul bơngai kơnê̆, pơlôch pơrăm kang ƀô̆, kŏng ang păng kon pơlei tơ̆ dêh char Đak Lăk. Mă đơ̆ng tơdrong sơđơ̆ng hlôi vih hơlơ̆k sơđơ̆ng nhen so mă lei dôm tơdrong pơm kơnê̆ đơ̆ng dôm bơngai kơnê̆ au oei pơm ăn rim pơlei tăr văr păng hơmơt đei pơm kơnê̆ truh tơdrong tơgoăt tơgoăl pôm nơ̆r ƀơ̆r đon đơ̆ng tơdrong hơlĕnh pơdăr, tơchă tơdrong lơ̆m mạng.