VOV4.Bahnar - Năr têt tơ̆ tơring tŏk bŏk păng tơ̆ tơring pơbăh, kon pơlei đa răt 1 dơng pơkao rŭng reng brŏk pơrŏ tơ̆ kơƀang soi kơ ƀok yă. Đe sư lui akhan, đei dơng pơkao rŭng reng ‘lơ̆ng lơ̆m hnam hai chơt hơiă Têt hai păng gơh tơpu đei đĭ dôm kơloăi yang kơnê̆ lơ̆m prăt sơnăm. Dôm dơng pơkao rŭng reng pơtih ăn jơhngơ̆m nuih mơng păng hơpơi ‘meh 1 sơnăm sơđơ̆ng, hiôk chơt, pŭn ai đơ̆ng kon bơngai.