Tui urang bangsa Thai, sa bilan yuak kuak hu oh sa janih lac mai meng prein yawa ngak bruk di anek menuac nyu daok hu bruk pacang khik sraong thraong daong di yang mabang mukkei saong bruk brei lagaih di alam langik tasik. Kayua yau nan ye, dom asar brah akaok meti brau yuak kuak bahrau hu brei palih ruah tani tanat, ngak jeng dom kaya mbang pok tagok mukkei, yang mebang dahlau tuk baoh sang mek hu kein laba mbang huak nyu.

Salao klam tui adat uan raok akaok padai lisei bahrau hu srap gap meng dom kaya kan jaik taphia haong raidiuk di mikva yau ye ralo pabui, ralo menuk, ikan patih, baoh kayau, alak, ia bai tuk ralo pabui saong lisei bahrau papaok dalam hala rong. Dom adat cambat yau kaong pariak, ao khan bai, jien padai jeng hu caik di salao adat.

Mboh praong glaong bbih di nyu dalam nan lac, kalam salao adat oh kurang hu ndiuk meng brah ndiuk bahrau yuak blaoh saong kaya ikan đồ. Yaok janih kaya kan brei ngak adat jeng hu makna karei, gam brei mboh bruk rilo di kaya mbang bhap bini, gam brei mboh bruk meda di kaya mbang bhap bini, gam brei mboh bruk pambuak di urang bangsa Thai haong hamu padai, kraong ia saong ceik glai.

Adat kayua gru ieu yang gam haong urang kamei dang ngak. Tapa panuac kamaon, mikva khan gilac luac jalan ngak jeng lagik tasik, luac jalan menuac urang patruh tapa langik ceik glai, peih taneh, ngak hamu saong ngak tabiak asar padai brah. Dom bruk jak jeng meng bruk ngak di nyu hu pok tagok mukkei yau sa panuac thau ndua dhar phol.

Po sang likau da-a mukkei mai mbang haong anek taco, thraong daong ka dom urang dalam sang khang kadang, nao glai, trun ia craoh kajap karo salamat; raong glang patagok, bilan pala drah hu siam that saong raidiuk gaok rilo patuah jamo. Tapa adat hu brei mboh caong takre ka bruk trei sir, ghaih ghang siam mekre saong salamat di mikva.

Oh lac ba asal kadha adat cambat, Adat uan lisei bahrau daok lac bruk piah dom urang dalam sang ginum biai, gam haong gauk maong iek gilac dom bruk ngak hu blaoh tapa sa bilan ngak mbang. Yaom lac raidiuk dak harei dak jal val, anek taco jeng kham merat gilac mai daok taphia ong amuk mei, amaik ame, pahadar dom urang plang lahik saong klah rabha hatai bui sambai ka bilan pala drak.

Tapa adat, dom rai rah nao dahlau pato ka anek taco thau iek praong prein yava ngak bruk, iek praong yaok asar brah saong khik ramik adat menym ia thau hadar tal halau ia. Tui adat bhap bini, Adat uan lisei bahrau hu peih ngak dalam baoh sang, oh dui atah rilo harei saong jeng oh ngak praong prang.

Hadei di banah paraong bruk ngak adat cambat, mikva saong tuai damuai menyum alak tapai haong gauk, ba drei tame dalam dom ragam tamia xòe chreih chrai tui sap hagar, sap caing. Labik ilamo baoh sang kayua nan hu peih praong jeng harei raya bhap bini, peih tabiak kein lagaih piah tuai damuai tapak mai rivang iek adat cambat, kaya mbang saong raidiuk di urang bangsa Thai./.