Saka ngak meng kreim yau ye sa baoh tapuk saka hu 12 mbaik gai kreim, angaok di nan hu dom inem brei thau harei, bilan saong dom hagait rah tabiak di langik tasik. Dom inem ini di yaok bhum palei urang bangsa Mường hu dom dak adat karei saong saka meng kreim hu 3 binah asal: binah bilan hu inem di akaok gai kreim, yaok sa bilan hu sa inem karei di gauk; binah ini sarak dom inem sit tapen raong gai; dalam hatai gai hu cih dom inem harei rah tabiak dom hagait di langik tasik yau: harei hajan, angin, ribuk, harei khat lahik (palaih di pablei salih), harei ikan nao (meda nao taong mek ikan hu)…

Ong Bùi Thanh Bình, Akaok Muyim inem krung ilamo bangsa Mường, brei thau: tui saka kreim, harei hu parabha jeng 16 tuk, yaok tuk samu do 1,5 jam tuk saka aia harei, saong oh hu yaok tui baoh patuk baoh jam hu brei thau tui dom hagait rah tabiak di langik tasik, yau: menuk kanjot, ia harei tamuh, ia bilan trun, meteh harei, taong abih anek athur nao ndih abih… Urang Mường kuhria harei meng tukvak dahlau di aia harei tamuh (menuk kanjot) (2h-4h).

Tapuk saka ini  ieu lac pataom veik, ndom veik tapa rilo rai rah di urang Mường meng kan dalam bruk brei thau ka dom hagait daok rah tabiak di langik tasik, tapa bruk mong iek jalan nduac di ia bilan, bruk di aia bilan dalam vaktu sa bilan jeng yau jalan nao di baoh patuk dalam saka kreim piah parabha tabiak tukvak, harei, tuk, adit, bilan, thun. 

Urang bangsa Mường biak caik hatai tal ilamo jia tui yang mabang. Meng kan oh hu saka tui ia bulan, aia harei ye yau urak ini, urang bangsa Mường hu pandar saka kreim. Panuac pandip di urang bangsa Mường hu ndom mayai yau Yuen lac “Cơm đồ nhà gác, nước vác lợn thui, ngày lui tháng tới”. Nan “harei kadul bilan mai” urang Mường kuhria tui sakavi di drei."

Dalam tapuk sakavi kreim kuhria dahlau pambak tui jalan nao di patuk Sao Roi. Ong Bùi Thanh Bình brei thau: "Harei ye kadul sa harei, bilan ye yam tagok  3 bilan. Kayua saka ini maong iek tui jalan nao di aia harei saong patuk Sao Roi yau nan ye kuhria hu harei siam, harei jhak. Tui urang bangsa Mường hu harei siam, harei athur, harei ikan. Urang nao mar ye palih ruah dom harei athur. Taong catua dom harei siam piah nao taong mek ikan ye ieu lac harei ikan. Tok diuk tok pasang, ngak sang, ngak danaok, blaoh taong abih bruk manuac sia jeng hu maong harei, tuk siam, tuk jak angaok sakavi di urang Mường, sakavi kreim.

Jeng lac saka kreim, min yaok bhum urang Mường hu angan ieu karei di gauk. Urak ini, tinh Hoa Binh daok khik ramik hu dom baoh tapuk sakavi hu ngak atah ini yaok rituh thun yau: baoh tapuk Mường Vang, baoh tapuk Mường Bi hu khik piah meng rilo rai manuac.

Hu mboh meng lavik mai di dalam dak rai sajarah saong pataom hu yaom lingai biak karei, ilamo bhap bani, saka krem saka Ndoi Roi di urang bangsa Mường Hoa Binh hu brei angan Inem krung ilamo oh mboh di meta pakat negar thun 2022, rik daong tame bruk khik ramik saong cakrok patagok yaom inem krung dalam rai diuk harei ini di bhap bani./.