Di Tay Ninh, bruk ngak akaok lân magarut gam haong seni magarut magirai lan su rong jang daok dalam raidiuk, daong pabak sambo ilamo hu angan ka ilamo di bhum taneh Meraong Negar.

Dalam bruk hadar hadar di rilo urang, sap gar sap ginang lân magarut magirai tuk halei jeng brei mboh ka bruk pahameng chreih chrai di raya bhap bini. Tuk sap hagar sameng yawa tagok, dom akaok magarut magirai lân rilo sambo rah tabiak gam haong dom ragam tamia gheih ghang sami samar, ngak jeng bruk chreih bui sambai suka dalam dom harei raya, harei Tet saong dom danak dak ilamu dalam rahra bhap bini.

Gah likuk bruk tamia magarut magirai nan daok hu lac dom urang ngak bruk meng tangin, dom urang buh tukvak masa ngak jeng dom akaok lân magarut magirai. Bruk ngak akaok lân magarut magirai di Tay Ninh hu ngak meng tangin, meng dom mbaik gai kreim. Bruk ngak brei hu urang ngak biak gheih tangin, hadah krah saong anit ranam haong ilamo bhap bini. Yaok baoh akaok lân hadei tuk salah blaoh ba dom thaik thaot saong sambo gheih meta, duh ka bruk tamia magarut magirai lan su rong dalam raidiuk ilamo.

Bruk ngak akaok lân magarut magirai kayua yau nan oh lac sa bruk ngak tabiak sa kaya ngui duh ka harei raya. Dalam yaok baoh akaok lân magarut magirai daok hu ilamo ngak meng tangin saong bruk hadah krah di urang ngak nyu. Dom ilamo nan hu khik tani tanat dalam luac jalan ngak bruk, daong khik sa kaya kan ngak meng tangin pagam haong seni tamia bhap bini.

Meyah akaok lan lac binah ngak thaik thaot ye tamia magarut magirai Lan Su rong jeng ieu lac sa binah ngak jeng prein diuk di kaya magarut magirai. Sa baoh akaok lân magarut magirai tok hu gheih mekre tuk dalam labik tamia brei parang iek, pambuak haong sap hagar saong pambuak di urang tamia main nyu.

Di Tay Ninh Lân Sư Rồng magarut magirai hu mbaok dalam dom danak dak jirah, raya praong di Tay Ninh. Di Raya Pataih ceik Amuk Juk, danak dak peih raya hu dom danak dak tamia magarut magirai lan su rong daong chreih bui ka harei raya di sa dalam dom labik ilamo, aguma danei angan di bhum palei.

Lân Sư Rồng magarut magirai daok hu labik patagok di gah padhih. Tay Ninh hu dang peih mek mayaom Yai vo dich dang akaok main magarut magirai Lan Su Rong dalam negar mbang ka 11 thun 2025. Bruk magarut magirai Lan Su Rong rah tabiak di sa yai kacah pakat negar brei mboh bruk ini peih ngak di harei raya adat blaoh daok hu me-in tui pahat padhih cambaih laih. Dom kahda tamia ma-in magarut magirai brei hu urang me-in hu ilamo, prein yava, sami samar saong mbuan pambuak di dom urang.

Gam haong bruk ngak akaok lan magarut magirai, Tay Ninh daok hu dom bruk ngak meng tangin pambuak tal danak dak magarut magirai lan su rong. Nan hu lac bruk ngak hagar pambuak tal danak dak bhum palei, dalam nan hu kaya hagar duh ka tamia lan su rong magarut magirai. Thun 2025, bruk ngak hagar Bình An hu ba tame Harak Drap ar ilamo oh mboh di meta pakat negar. 

Dom baoh hagar haong sap yava, khang catang lac oh kurang hu dalam dom bruk tamia main magarut magirai Lan Su Rong. Tuk sap hagar gam haong sap caing saong dom yam takai tamia di lan, su, rong magarut magirai, labik harei raya chreih sambai jang. Meng daok akaok lan hu ngak meng tangin tal sap Bình An saong dom bruk tamia di mblang danaok kalan, mblang parang iek di dom raya, Lan Su Rong magarut magirai ngak jeng janih ilamo siam gheih hu bruk pambuak di bruk ngak meng tangin saong seni parang iek.

Tui tinh Tay Ninh, bruk dom kaya kan ngak meng tangin saong seni tamia magarut magirai lan su rong daok patui rah tabiak dalam dom danak dak ilamo, harei raya saong pahat padhih jeng brei kein lagaih piah dom yaom kaom ilamo hu labik parang iek dalam raidiuk jaman bahrau./.