Mai tal dom palei di bangsa Cam tinh An Giang daok di tapen kraong Hậu yau ye Phủm Soài, Châu Giang, tuai damuai hu mboh raidiuk saron mbon gam saong dom baoh sang hu thaik thaot karei. Dalam labik nan, kaya kan mbang huak jeng daong ngak jeng dom naih gheih karei di rahra bhap bini. Meyah hu tukvak masa daok taphia ging apui, pang sap menyek lamek saong cum mbau pahe mai meng ralo am di apui cuh di dala glah, urang mboh mbuan si thau yau habar tung lo mo jeng kaya mbang chreih takre dalam kaya mbang di urang Bangsa Cam daok di Meraong Negar.

Tung lo mo dreih yau ye lạp xưởng nyu jeng ngak meng ralo lamo. Urang Cam Islam oh mbang ralo pabui ralo ut hu, yau nan ye ralo limo lac kaya hu angan dalam dom janih rilo mbang di dalam rah ra bhap bini. Piah ngak tung lo mo bingi, ralo limo brei hu palih ruah tani tanat, kacaoh klik blaoh chai ka nyu klik blaoh srau haong lamek limo thik sit yau asat dalim. Bruk pambuak ini daong kaya mbang tuk ngak laman, lamek saong pahe. Min bruk ngak jeng pahe bangi di tung lo mo lac dalam bruk laval kaya ngak pahe saong brei ngak masam ha sit. Patui yaok baoh sang, bruk ngak kaya meda karei gauk. Ralo hu srau haong lasun patih, amraik kalu, sara, saradang saong dom kaya ngak pahe bangi karei; dom jalan ngak meng dahlau mai daok hu pandar lisei la-an piah daong luac jalan jeng tapai.

Srau ralo hadei nan hu jaih tame tung limo hu ngak hacih sa-at, rabha jeng yaok jalan, kak gilac blaoh bambu atau luai ka nyu jeng tapai dalam tukvak lagaih. Ini lac bruk ngak brei ka hu ilamo, kayua tukvak jeng tapai hu makna abih ka pahe bangi di kaya mbang. Urang ngak lavik thun bhian pambak tame buk maong mboh piah thau ralo hu tathak gap mbiah atau oh.

Ba tung lo mo am di dang apui, pahe ralo limo gam haong lamek, lasun patih saong amraik kalu pambak tabiak. Dom lamek di ralo lomo tanjaoh trun dang ngak apui ghuah tagok, urang am brei pableik gam gam piah ralo tathak samu gauk. Tuk tal di langiu kangik blaoh bo dalam jeng daok laman, tung lo mo hu cakak jeng hawait sit.

Pahe bangi di ralo limo, lamek di lamek, masam di luac jalan jeng ia tapai gam haong pahe bangi di kaya ngak pahe bangi ngak jeng sa kaya mbang gam karei gam krein randap. Mbang gam haong njam patam atau dom kaya masang, pahe lamek hu pasamu, dak ngak ka kaya mbang mboh chreih.

Tung lo mo oh lac sa janih kaya mbang bhian harei di rahra bhap bini blaoh daok ba tui sa asal kadha ilamo di rilo baoh sang bangsa Cam dalam bruk ngak kaya mbang bhap bini.

Dalam raidiuk urak ini, tuk dom janih kaya mbang hu ngak meng jamraik bahrau dak harei dak rilo, dom kaya mbang bhap bini yau tung lo mo dak harei dak hu makna brei ka ilamo. Meng ging gaok di baoh sang, kaya mbang dak harei dak thau tal praong dalam jang, jeng kaya hu tuai damuai duah blei, mbang kaya mbang tuk tuai damuai mai tal An Giang.

Tung lo mo kayua yau nan nan oh daok sa janih ba mai yaom kinh te glaong ka urang ngak bruk blaoh daok jeng sa jalan piah yaih khan ilamo urang bangsa Cam nao tal tuai damuai urang jirah. Tapa sa kaya mbang, urang mbang meda hu thau ka adat di kaya mbang, raidiuk saong dom ilamo hu bhap bini khik ramik tapa rilo rai rah anek taco.