# Đhanuôr lâng pr’zợc chăp nhêr! Bêl đâu năc mưy t’ngay chr’năp - t’ngay pân đil Việt Nam 20/10. P’căh mặt đợ apêê bhrợ t’ruih, Aviết Sĩ nhăn pa gơi tươc ooy apêê a’dich, a’mế, a’moó lâng apêê a’đhi n’đil đợ râu liêm chr’năp bhlâng. Rơơm m’pâng bha lang k’tiêc âng vêêl bhươl hêê ta luôn ma mung k’rơ, bhui har lâng têêm ngăn.

# Lâng đoọng bhui har lâh mơ ooy t’ngay bêl đâu, t’ruih bêl đâu vêy pa gơi đoọng ha pêê a’dich, a’mế, a’đhi lâng đhanuôr xơợng mưy pr’hát pr’hay:

# Đhanuôr lâng pr’zợc nha nhêr! Tât 96 c’moo hanua, c’leh bh’rợ âng pân đil Việt Nam ta luôn p’têêt pa zưm lâng râu zay ta bach, grơơ nhool lâng liêm ta nih. Xọoc đâu, đhị zâp vêêl đông coh k’coong ch’ngai, râu liêm chr’năp nâu ting pa xoọng tr’ang liêm lâh mơ bêl zâp apêê a’mế, a’moó căh mưy ăt pa zưm đhị toor ta pêêh coh đông, năc ơy dưr zi k’rơ liêm lâh mơ.

# Crêê cơnh đêêc, tơợ đợ bhươn tươc, ha rêê ha lai, apêê a’đhi amoó acoon coh xoọc mâng loom ta mooh pa choom, đơơng râu tơơm chr’noh t’mêê moot bhrợ lâng đh’rưah pa dưr pa xơc pr’ăt tr’mung. Đợ cr’hộ zr’năh căh mưy âng đơơng pr’ăt tr’mung k’bhộ ngăn ha pr’loọng đông, năc dzợ bhrợ clan bhưah pr’ăt bh’rợ t’bhlâng bhrợ, mâng loom dưr zi lâh ooy pr’ăt tr’mung.

# Lâng đoọng đhanuôr năl liêm ghit lâh mơ đợ râu tr’xăl liêm choom nâu, nâu cơy, ahêê đh’rưah đương xơợng bha ar xrặ: Pân đil k’coong ch’ngai Đà Nẵng đh’rưah bhrợ cha liêm choom, dưr zi lâh đha rưt” âng cộng tác viên Tuệ Nhi. Đhanuôr lâng pr’zợc đương xơợng:

Đhanuôr lâng pr’zợc chăp nhêr! Đợ xa nay t’ruih dưr zi đha rưt zr’năh âng apêê pân đil zr’lụ k’coong ch’ngai Đà Nẵng năc ky chr’năp bhlâng. Rơơm tinh thần nâu vêy zư pa dưr bhưah lâh. Mưy chu cớ, rơơm apêê a’mế, a’đhi a’moó coh k’coong ch’ngai hêê mưy t’ngay 20/10 bhui har, pr’loọng đông ăt đh’rưah liêm crêê, têêm ngăn.