T’ngay đâu thứ xơơng, t’ngay 15/1/2026. Azi nhăn xay truih tươc đha nuôr lâng pr’zơc muy bơr cr’liêng xa nay choom p’ghit cơnh đâu:

L’lăm năc xa nay xay moon ooy bh’rợ tỉnh Quảng Ngãi xooc k’rong bhrợ bhr’lâ c’lâng p’rang xang boo tuh, bhrợ t’vaih pr’đơợ liêm ha đha nuôr lâng apêê pr’đươi lươt ra vach yêm têêm, pa bhlâng năc coh bêl Tết Nguyên đán k’noọ tươc.

Coh c’năt t’ruih “Xay moon ng’cơnh choom bhrợ cha”, đha nuôr lâng pr’zơc đh’rưah chơơc năl cơnh bhrợ cha liêm choom âng đha nuôr Hùng Ky, ma nưih Chăm coh vêêl Tuấn Tú, chr’val Phước Dinh, tỉnh Khánh Hòa (Ninh Thuận ty) - lêy t’cooh âi bhrợ cha ca van đhị k’tiêc chuôh p’răng đhí ng’cơnh ooy.

Ha dợ coh “Xơợng p’rá xa nay coh Gươl” tuần n’nâu, đha nuôr lâng pr’zơc xơợng tiểu phẩm “Bh’năn căh choom băn p’loh lơi”. T’ruih xa nay kiêng p’too moon đha nuôr hêê căh choom băn p’loh lơi bh’năn, pa bhlâng năc coh cr’chăl plêêng cha kêêt cơnh xooc đâu, đoọng g’đach râu bil bal ha pr’loọng đong lâng vêêl ma nang.

Lâh n’năc, t’ruih dzợ xay truih tươc đha nuôr lâng pr’zơc đợ xa nay tin chr’năp t’mêê coh cr’loọng k’tiêc lâng zr’lụ. C’chăl lâng n’năc năc đoo pr’hat pr’hay, âi looih, bơơn bâc ngai chăp kiêng.

Pa bhlâng rơơm kiêng đha nuôr lâng pr’zơc đương xơợng pa lưch 45 phút âng t’ruih pa xul p’rá Cơ Tu t’ngay đâu.