Đoo bêl hân noo c’loọt chô, plêệng k’tiêc Hà Nội năc dưr ch’ngaách đh’rưah lâng rau đha hum a yêm âng m’poóc t’mêê, ting n’năc năc dzợ vêy đhi hi đhí coh prang acoon phố, lâng coh cr’noọ chr’năp pr’hay âng k’tiêc k’ruung ooy bêl ahay- cr’noọ ooy muy hân noo c’loọt Cách mạng.

Coh 80 c’moo ahay, cờ bhrôông x’menh rơợc bâl ơl păr coh prang Ba Đình, pazêng acoon manuyh prang k’tiêc k’ruung Việt Nam ơy đh’rưah gung dưr zâl arọp abhuy, pa chô độc lập, tự do. Cách mạng c’xêê T’cool c’moo 1945 liêm choom bhlâng – năc cr’lặ ang or, bhrợ t’vaih lang t’mêê đoọng ha k’tiêc k’ruung hêê, acoon manuyh hêê.