Zr’lụ da ding k’coong tỉnh Quảng Nam xoọc vêy đợ crâng k’coong nhiệt đới lâng đợ chim a đhăh bâc pa bhlâng, pa bhlâng năc pazêng râu đơ chr’năp pr’hắt ơy vêy ta xrặ coh bha ar bhrôông bha lang k’tiêc. Coh cr’chăl ahay, tỉnh Quảng Nam bhrợ pazêng bh’rợ pa dưr râu liêm choom coh bh’rợ k’đhơợng xay, zư lêy crâng, ta đang moon đhanuôr ting zư lêy pazêng râu a đhăh, n’loong, bhơi xấc k’nặ bil. Bh’rợ bhrợ têng pazêng zr’lụ zư lêy công năc bh’rợ vel đong n’nâu xoọc zư lêy râu bâc cơnh âng sinh học, pa têệt lâng bh’rợ pa dưr crâng vaih nhâm mâng.

Ting cr’noọ đha rưt bâc n’đăh cr’chăl 2021-2025, xooc tỉnh Thừa Thiên Huế dzợ 16 chr’val vêy đợ pr’loọng đha rưt tơợ 25% năc a têh, k’rong coh 2 chr’hoong da ding ca coong Nam Đông lâng A Lưới. Tỉnh n’nâu xooc xơợng bhrợ mr’cơnh bâc c’lâng bh’rợ đoọng t’bil đha rưt nhâm mâng zr’lụ da ding ca coong, acoon coh, ha dưr dăl pr’ăt tr’mông ha đha nuôr, t’bhlâng t’bil r’dợ cr’chăl bhlưa đồng bằng lâng da ding ca coong.