Coh pazêng c’moo ahay, đhăm choh sâm Ngọc Linh coh tỉnh Quảng Nam bâc lâh mơ, đợ pr’loọng đong đharựt xiêr bâc bhlâng. 5 c’moo ahay, lâh 2.300 pr’loọng đong ơy choom t’bil lơi đharựt nhâm mâng đươi tơợ tơơm zơ nươu vêy ta đơc năc cr’van âng k’tiêc k’ruung. Quảng Nam xoọc t’bhlâng zư lêy gen bha lâng, pa dưr đhr’năng bhrợ têng m’ma sâm, t’bhlâng dưr vaih zr’lụ bha lâng bhrợ têng m’ma Sâm Ngọc Linh âng k’tiêc k’ruung cr’chăl c’moo 2025- 2030. Tơợ đêêc, t’hươc tươc ooy cr’noọ pa dưr tơơm Sâm Ngọc Linh dưr vaih tơơm kinh tế bha lâng đoọng t’bil ha ul pa xiêr đharựt lâng zư lêy crâng nhâm mâng.