Năc vel đong đăn lâng thành phố Đà Lạt, đhị vêy đợ apêê crêê Covid-19 bâc bhlâng âng tỉnh Lâm Đồng, n’đhang đươi vêy pa dưr loom đoàn kết coh bh’rợ zêl lâng cha groong zêl pr’luh, chr’hoong Lạc Dương công năc “ zr’lụ t’viêng” doó âi xay moon ngai crêê boọ Covid-19 n’đoo. Đoọng t’bhlâng k’đhơợng zư đơc bh’nơơn n’nâu, đha nuôr đhị apêê vel bhươl coh đâu xooc brhợ t’vaih c’bhuh k’đhơợng zư lêy zr’lụ t’viêng, ra pă ma nưih đương goon lêy toong t’ngay ha dum đoọng bơơn năp apeê bh’rợ luh moot âng đha nuôr.

Zâp chr’hoong k’coong ch’ngai tỉnh Quảng Nam xoọc ặt zâng lâng zr’nắh k’đhạp bêl n’jứah zêl cha groong pr’lúh cr’ay Covid-19, n’jứah zele cha groong lâng hân noo boo túh c’moo đâu. Ooy đắh bhiệc lêy ra văng zêl cha groong lâng boo đhí, túh bhlong, pr’lúh cr’ay, tỉnh Quảng Nam p’ghít lêy đợ bh’rợ chr’nắp, pazưm nhâm mâng âng Ban k’đhợơng xay zêl cha groong boo đhí túh bhlong lâng Ban k’đhợơng xay zêl cha groong Covid-19 đắh bhrợ têng cr’noọ bh’rợ zr’nưm.