Lâng 3 đăh pa tệêt lâng biển, tỉnh Cà Mau vêy bấc crâng chắt vaih coh đác k’rịa truih biển. Tơơm chr’noh vêy chr’năp bhlầng coh a ral crâng coh đâu nắc tơơm đước. Tợơ a hay, tơơm đước ơy pa tệêt lâng bh’rợ bhrợ k’chăh ty đanh âng đhanuôr vel đong. Chr’năp k’chăh đước Cà Mau ting dzoóc dal, zooi đhanuôr pa dưr pr’ặt tr’mông liêm lâh lâng g’bọ lâng bh’rợ. Căh muy cơnh đếêc, đhanuôr coh đâu dzợ choom đươi dua n’loong đước t’vaih apêê pr’đươi vêy chr’năp kinh tế.